සිව්වන විස්සයි 20 තරගයේ ජයත් ඔස්ට්රේලියාව පහසුවෙන් අත් කරගත්තේය. ඒ කඩුලු 06ක ජයග්රහණයක් සනිටුහන් කරමිනි.
කාසියේ වාසිය දිනූ ඔස්ට්රේලියානු කණ්ඩායම මුලින්ම පන්දු රැකීම තේරුවේය. ශ්රී ලංකා කණ්ඩායම ලකුණු 139කට සීමා විය. ඒ අතර කඩුලු 8ක් දැවී ගියේය. සුපුරුදු පරිදි පැතුම් නිශ්ශංක සිය වගකීම ඉටු කළේය. ඔහු පන්දු 40ක දී හතරේ පහර 4ක් සමග ලකුණු 46ක් වාර්තා කළේය. කුසල් මෙන්ඩිස් පන්දු 27ක දී ලකුණු 27ක් ලබා සිටිය දී දුවද්දී දැවී ගියේය. ශ්රී ලංකා කණ්ඩායම කඩුලු 8ක් දැවී ලකුණු 139ක පහසු ඉලක්කයක් ඔස්ට්රේලියානු කණ්ඩායමට ලබා දුනනේය. පන්දු යැවීමේ දී ජෙයි රිචඩ්සන් ලකුණු 20ට කඩුලු 02ක්, කේන් රිචඩ්සන් ලකුණු 44 ට කඩුලු 02ක්, ඇෂ්ටන් ආගර් සහ ඇඩම් සම්පා එක කඩුලුල බැගින් දවා ගත්තේය.
පිළිතුරු ඉනිම ක්රීඩා කිරීමට පැමිණි ඔස්ට්රේලියානුවන් පන්දු 11 ඉතිරිව තිබෙද්දී ලකුණු 143ක් ලබමින් ජයග්රහී ඉලක්කය පසු කළේ කඩුළු 4ක් පමණක් දැවී යද්දීය. කඩුලු 6ක ජයග්රහණයක් වාර්තා විය. ග්ලෙන් මැක්ස්වෙල් පන්දු 39ක දී හතරේ පහර 3ක් සහිතව නොදැවී ලකුණු 48ක් වාර්තා කළේය. ජොෂ් ඉන්ගිලිස් පන්දු 20ක දී වේගවත් ලකුනු 40ක් වාර්තා කළේය. ලහිරු කුමාර පන්දු ඕවර 04තුළ ලකුණු 22කට කඩුලු 02ක්, මහීෂ් තීක්ෂණ ලකුණු 20ට කඩුල්ලක්, දුෂ්මන්ත චමීර ලකුණු 33කට කඩුල්ලක් දවා ගත්තේය.
