බීබීසී –
සහල් අර්බුදයට විසඳුමක් ලෙස සහල් ආනයනය කිරීමට ගත් තීරණය අනුව මේවන විට ආනයනික සහල් තොග දිවයින වෙත ලැබෙමින් පවතී.
ශ්රී ලංකා රේගුව පවසන්නේ දෙසැම්බර් 10 වැනිදා සිට 12 වැනිදා සවස වන විට සහල් මෙට්රික් ටොන් 1900ක් කොළඹ වරායට ගොඩ බා ඇති බවයි.
මෙම සහල් තොග ඉන්දියාවෙන් ආනයනය කර තිබේ.
සහල් තොග රේගුවෙන් නිශ්කාශනය කිරීමේ කටයුතු කඩිනමින් සිදුවන අතර ශ්රී ලංකා රේගුවේ අවදානම් කළමනාකරණ, මධ්යම භාණ්ඩ පරීක්ෂණ, නිවාරන හා සටහන්කර යන අංශ එකතුව විශේෂ වැඩපිලිවෙලක් තුළින් ඉතා ඉක්මනින් සහල් තොග වෙළඳපොලට මුදා හැරීමට කටයුතු සූදානම් කරන බව රේගු මාධ්ය ප්රකාශක, අතිරේක රේගු අධ්යක්ෂ ජනරාල් සීවලි අරුක්ගොඩ සඳහන් කළේය.
ආනයනය කළ සහල් තොග අතරට කැකුළු සහ තැම්බු සහල් තොග අයත් ය.
