2025 – 2026 මහ කන්නයේ වී මිලදී ගැනීමේ රජයේ නිල වැඩසටහන යටතේ සහතික මිල ගණන් රජයේ ප්රවෘත්ති දෙපාර්තමේන්තුවේදී අද ප්රකාශයට පත් කරන ලදී.
වී අලෙවි මණ්ඩලයේ සභාපති ඒ.එම්.යූ. පින්නලන්ද මහතා සඳහන් කළේ මෙවර වී මිලදී ගැනීමේ ක්රියාවලිය වෙනුවෙන් රජය රුපියල් බිලියන 10ක මුදලක් වෙන් කර ඇති බවය.
නව මිල සංශෝධනයට අනුව වී වර්ග මිලදී ගන්නා මිල ගණන් පහත දැක්වේ:
- කීරී සම්බා (1kg): රුපියල් 140/- කි.
- සම්බා (1kg): රුපියල් 130/- කි.
- නාඩු (1kg): රුපියල් 120 – කි. ඒ අනුව නාඩු සහල් ගිය වසරේ මිලටමත්, සම්බා සහල් සඳහා රුපියල් පහක වැඩි මිලකටත්, කිරි සම්බා සඳහා රුපියල් 08ක් වැඩි මිලකටත් වී මිලදී ගැනීම සිදුකරන බව වී අලෙවි මණ්ඩලය කීවේය.
මෙහිදී මාධ්ය පෙන්වා දුන්නේ මේ වනවිට වී අස්වනු නෙළන ප්රදේශවල නාඩු වී කිලෝවක් පුද්ගලික වෙළෙඳුන් ගන්නේ රුපියල් 72ත් 80ත් අතර මිලකට බවය. ඇතැම් ප්රදේශවල වී අලෙවි මණ්ඩලයේ ගබඩා විවෘත කර නැති බවත් මාධ්ය පැවසුවේය.
එහෙත් වී අලෙවි මණ්ඩලයේ සභාපතිවරයා පෙන්වා දුන්නේ ජනවාරි මැද සිට අප්රේල් අග දක්වා මාස දෙක හමාරක පරාසයක් අස්වනු නෙළෙන බවත්, එම අස්වනු නෙලෙන ආකාරයෙන් ගබඩා විවෘත කරන බවත්ය. දැනට වී වියලන පහසුකම් වී අලෙවි මණ්ඩලයට නැති අතර එම පහසුකම වර්ධනය කරගැනීම සඳහා කටයුතු ආරම්භ කර ඇති බව සභාපතිවරයා පැවසුවේය.
එමෙන්ම ගොවීන් වෙත ගොස් වී මිලදී ගැනීමට අවශ්ය ජංගම රථ දෙකක් ද වී අලෙවි මණ්ඩලය විසින් ඉදිරි කාලයේ දී මිලදී ගෙන සේවයට යොදවන බව ද සභාපතිවරයා කීවේය.
