රාජ්ය ආයතනවල අබලි වශයෙන් එකතු වී ඇති ද්රව්ය රාශියක් පවකින බව නිරීක්ෂණය වී ඇති අතර එම අබලි විකුණා රජයට ආදායමක් ලබා ගැනීම කෙරෙහි අවධානය යොමු කර ඇති බව ජනාධිපති රනිල් වික්රමසිංහ මහතා අද සංශෝධිත විසර්ජන පනත් කෙටුම්පත පාර්ලිමේන්තුවට ඉදිරිපත් කරමින් පැවසීය.
දීර්ඝ කාලයක් තිස්සේ එකතු වී ඇති මෙම අබලි දුව්ය බැහැර නොකිරීම හේතුවෙන් මෙම තොග ගොඩ ගැසී ඇති අතර මහා භාණ්ඩාගාරයේ කොම්ප්ට්රෝලර් ජනරාල් කාර්යාලය හරහා මෙම අබලි ද්රව්ය විකිණීම සඳහා කටයුතු කරන බවත් ඒ සඳහා අවශ්ය කටයුතු සිදු කිරීමට කොම්ප්ට්රෝලර් ජනරාල්වරයා ද ඇතුළත්ව කමිටුවක් පත් කරන බවත් ජනාධිපතිවරයා පැවසීය
මෙහිදී ජනාධිපතිවරයා තවදුරටත් පැවසුයේ රාජ්ය ධනය අහිමි ව යන සහ විනාශ වන අදූරදර්ශී මුරණ්ඩු තීරණ ගැනීම වැළැක්වීම සඳහා ශක්තිමත් රාජ්ය මූල්ය රීති ඇතුළත් කොට රාජය මුදල් කළමනාකරණ පනතක් සකස් කිරීමට යොජනා කරන බවයි.
එසේම රාජ්ය ආදායම් වර්ධනය කිරීමේදී පවතින ගැටලු හඳුනාගෙන ඊට අදාළ විසඳුම් යෝජනා කිරීම සඳහා ක්රම සහ විධි පිළිබඳ පාර්ලිමේන්තු කමිටුවක් ස්ථාපනය කිරීමටද ජනාධිපති වික්රමසිංහ යෝජනා කළේය.
