හිටපු ජනාධිපති රනිල් වික්රමසිංහ අල්ජසීරා රූපවාහිනි නාලිකාව සමඟ පසුගියදා සිදු කරන ලද සම්මුඛ සාකච්ඡාවේ දී යළි කරළියට පැමිණි බටලන්ද කොමිෂන් සභා වාර්තාව පිළිබඳව හෙට දිනයේදී පැවැත්වෙන අමාත්ය මණ්ඩල හමුවේදී සාකච්ඡාවට ගැනෙන බව කැබිනට් ප්රකාශක අමාත්ය නලින්ද ජයතිස්ස සන්ඩේ මෝනිං පුවත් පතට ප්රකාශ කර ඇත.
1980 දශකයේ අග භාගයේ සහ 1990 දශකයේ මුල් භාගයේ ජනතා විමුක්ති පෙරමුණ විසින් දියත් කරන ලද සන්නද්ධ අරගලය සමඟ කැලණිය ආසනයේ රජයේ නිවාස සංකීර්ණයක පවත්වාගෙන ගිය බව සඳහන් වන බටලන්ද යුධ හමුදා කඳවුරේ සිටි රැඳවියන් සම්බන්ධයෙන් සිදු වූ වධහිංසා සහ නීති විරෝධී ඝාතන පිළිබඳව එකල දැඩි කතා බහකට ලක් වූ අතර පසුව මේ සම්බන්ධයෙන් සෙවීමට චන්ද්රිකා බණ්ඩාරනායක කුමාරතුංග රජයේදී කොමිසමක් පත් කෙරිණි.
මෙම කොමිෂන් සභා වාර්තාව පිළිබඳව පසුගියදා හිටපු ජනාධිපතිවරයා සමඟ පැවති සම්මුඛ සාකච්ඡාවේදී අල් ජසීරා මාධ්යෙව්දී මෙහෙදි හසන් විසින් රනිල් වික්රමසිංහ මහතාගෙන් ප්රශ්න කළ අතර ඒ සම්බන්ධයෙන් අල්ජසීරා එල්ල කළ චෝදනා ඔහු ප්රතික්ෂේප කළේය.
කෙසේ වුවද සන්ඩේ මෝර්නින් පුවත්පතට වෛද්ය ජයතිස්ස ප්රකාශ කර ඇත්තේ වික්රමසිංහ මහතාට එරෙහි චෝදනා තමන් පිළිගන්නා බවය.
කෙසේ වෙතත් මේ සම්බන්ධයෙන් රජය විසින් ගනු ලබන ක්රියාමාර්ග සම්බන්ධයෙන් නිශ්චිත යමක් ඔහු සඳහන් නොකළ අතර ප්රකාශ කළේ හෙට පැවැත්වෙන කැබිනට් හමුවේදී මේ පිළිබද ව සාකච්ඡා කිරීමෙන් පසුව ඉදිරි පියවර ගනු ඇති බවය.
චෝදනා පදනම් විරහිත බව වික්රමසිංහ අවධාරණය කළ අතර, බටලන්ද හි සිදු වූ බව කියන ක්රියාකාරකම්වලට තමාට කිසිදු සම්බන්ධයක් නොමැති බවට ඔහුගේ ස්ථාවරය නැවත අවධාරණය කළේය.
