ජනාධිපති මන්දිර ප්රවේශයේ ඇති සියලු මාර්ග මේ වනවිට අරගලකරුවන් විසින් අත්පත් කරගෙන ඇති බවත්, දැඩි ප්රතිවිරෝධතා දරමින් ඔවුන් ජනාධිපති මන්දිරය වෙත ගමන් කරමින් සිටින බවත් භූමියේ තොරතුරු හෙලි කරයි.
යුද හමදා නිලධාරීන් උපරිම සංයමයක් සහිත අවම මැදිහත්වීමක් සිදුකරන බව එම වාර්තා කියයි. ඉවක් බවක් නැති කදුළු ගෑස් ප්රහාර නිසා යුද හමුදා සාමාජිකයන් මෙන්ම මෙම ආරක්ෂක රාජකාරි සඳහා ගෙන්වූ ආධුනික පොලිස් නිලධාරීන් ද දැඩි අපහසුතාවයකට පත් වී තිබිණි. ඔවුන් සියලු දෙනාටම අරගලකරුවන් විසින්ම ජලය ලබා දෙන ආකාරයත් ප්රථමාධාර සඳහා උදව් වන ආකාරයත් දැක ගත හැකි විය.
කොළඹට ගෙන්වා ඇති පොලිස් බලකායෙන් 1500ට අධික ප්රමාණයක් පොලිස් සේවය සඳහා පුහුණුවීම් ලබමින් සිටින ආධුනික තරුණයින් වීම විශේෂත්වයකි. කඳුළු ගෑස් ප්රහාර හමුවේ මේ සමහර ආධුනික නිලධාරීන් අසරණ වන අයුරුත් ඒ අවස්ථාවල අරගලයේ යෙදෙන තරුණයින් ඔවුන්ට උදව් කරන ආකාරයත් දැක ගන්නට ලැබිණි.
මේ සියලුම තත්වයන් හමුවේ කොළඹ ආරක්ෂාව සඳහා ගෙන්වා ඇති පොලිස් බලමුළු අතර මානසික බිඳවැටීමක් සිදුවෙමින් ඇති බව අභ්යන්තර ආරංචි මාර්ග පවසයි.
මැයි 09 අපරාධය සම්බන්ධව චෝදනාවට ලක්වී සිටින බස්නාහිර පළාත් භාර ජ්යෙෂ්ඨ නියෝජ්ය පොලිස්පතිවරයා විසින් ලබා දෙන නියෝග සහ බලපෑම මත භූමියේ පොලිස් නිලධාරීන් දැඩි රාජකාරී පීඩනයකට ලක් වී ඇතැයි දැනගන්නට ඇත. රට වටින් ගෙන්වා ඇති පොලිසියේ සෙසු නිලයන් වැඩි ප්රමාණයක් මෙම නියෝජ්ය පොලිස්පතිවරයාගේ තේරීම් බව පොලිස් ආරංචි මාර්ග කියයි.
ජනාධිපතිවරයා නොමැති නමුත් ජනාධිපති මන්දිරය අසලටවත් කිසිම අරගලකරුවෙකුට එන්නට ඉඩ නොතබන ලෙසත්, පළමු පොලිස් මාර්ග බාධකය බිඳ දැමුවත් දෙවැනි බාධකය අසලටහෝ පැමිණීමට විරෝධතා කරුවන්ට අවකාශ සැලසුනහොත් එම නිලධාරීන් සම්බන්ධව කටයුතු කළ යුතු ආකාරය ගැන දන්නා බවත් ඔහු ඊයේ ඔහු යටතේ සිටින නිලධාරී පිරිස වෙත දන්වා තිබේ.
කෙසේ වෙතත් මේ වනවිට කඳුළු ගෑස් ප්රහාර දරාගෙන අරගලකරුවෝ ජනාධිපති මන්දිරය දෙසට ගමන් කරමින් සිටිති. හමුදා නිධාරින් උපරිම සංයමයක් සහිතව අවම මැදිහත්වීමක් දක්වමින් ඇත.
