ලබන සිකුරාදා පාර්ලිමේන්තුවට ඉදිරිපත් කෙරෙන රජයේ දෙවන අයවැයට පෙර ජනාධිපති ගෝඨාභය රාජපක්ෂ මහතා විසින් මැති ඇමතිවරුන්ට, රාජ්ය අමාත්යවරුන්ට සහ නිලධාරීන්ට විදෙස් ගතවීම තහනම් කර තිබේ.
සියලුම අමාත්යාංශ සහ රාජ්ය අමාත්යාංශ ලේකම්වරුන් වෙත යවන ලද චක්රලේඛයකට අනුව මාසයක අයවැය කාලසීමාව සඳහා නිල හෝ පෞද්ගලික කිසිදු විදේශ සංචාරයක් සඳහා සහභාගි නොවන ලෙස ඒ වෙනුවට අයවැය විවාද සඳහා පූර්ණ දායකත්වය ලබා දෙන ලෙසත් ජනාධිපති ලේකම් පී.බී. ජයසුන්දර දැනුම් දී ඇත.
මුදල් අමාත්ය බැසිල් රාජපක්ෂ විසින් 2022 අයවැය ලබන සිකුරාදා පස්වරු 2 ට පාර්ලිමේන්තුවට ඉදිරිපත් කිරීමට නියමිතයි. එය නව මුදල් අමාත්යවරයාගේ පළමු අයවැය ඉදිරිපත් කිරීමයි.
විසර්ජන පනත් කෙටුම්පත පිළිබඳ විවාදය නොවැම්බර් 13 වැනිදා සිට දින 26දක්වා පැවැත්වෙන අතර, නොවැම්බර් 22 වැනිදා ඡන්ද විමසීමේ දෙවැනිවර කියවීමෙන් ආරම්භ වන අතර, පනත් කෙටුම්පත පිළිබඳ කාරක සභා අවස්ථා විවාදය දෙසැම්බර් 10 වැනිදා දක්වා පැවැත්වේ.
විශේෂ අවස්ථා සඳහා විදේශ සංචාර වෙනුවට විදේශ කටයුතු අමාත්යාංශය මගින් අදාළ නියෝජනය විදේශ තානාපති කාර්යාල වෙත ලබාදිය හැකි බව එම චක්රලේඛයේ සඳහන් වේ.
පනත් කෙටුම්පතට අනුව, 2022 වසර සඳහා රජයේ වියදම රු. ට්රිලියන 2.5ක් වන අතර ණය ගැනීමේ සීමාව රු. ට්රිලියන 3.18 කි.
