නිදහස් දිනය සමරන අද (04) පෙරවරුවේ ශ්රී දළදා මාලිගා පරිශ්රයේ සිංහලයේ ධජය නම් වූ ධජයක් එසවීම සඳහා භික්ෂූන් වහන්සේ නමක් ගත් උත්සාහයත් පොලීසිය මැදිහතව එය නතර කිරීමට ගත් ප්රයත්නයත් නිසා උණුසුම් තත්වයක් ඇති විය.
මෙම අමුතු ධජය එසවීමට උත්සාහ කළේ ජාතියේ පෙරමුණ ගත් සිංහයෝ නම් සංවිධානයේ කැඳවුම්කරු බව කියන පූජ්ය මැදිරිගිරියේ සුකී නම් වූ භික්ෂුවකි. එම භික්ෂුව ශ්රී දළඳා මාලිගාවේ වාහල්කඩින් ඇතුළු වීමට උත්සාහ කළ අවස්ථාවේ එම ස්ථානයට පැමිණි මහනුවර කොට්ඨාස භාර ජ්යෙෂ්ඨ පොලිස් අධිකාරි සුදත් මාසිංහ දළදා මාළිිගාව වැඳ පුදා ගැනීමට කිසිදු තහංචියක් නොමැති වුවද දළදා මාලිගා පරිශ්රයේ පිළිගත් ජාතික ධජය හැර වෙනත් විවිධ ධජ ප්රදර්ශනය කිරීමට අවස්ථාව ලබාදිය නොහැකි බව දැනුම් දුන්නේය.
එම අවස්ථාවේ ජ්යෙෂ්ඨ පොලිස් අධිකාරිවරයා හා වාදයක පැටලුණු හිමිනම කියා සිටියේ තමන් ප්රදර්ශනය කිරීමට සූදානම් වනුයේ පෙර රජ දවස සිට භාවිත කළ සිංහලයේ නියම ධජය බවයි.
එකළ මෙම ධජය ප්රදර්ශනය කළද වර්තමානයේ ජාතික කොඩිය වෙනස් වී ඇති බවත් මුස්ලිම් හා දමිළ ශ්රී ලාංකික පුරවැසියන් නියෝජනය වීම සඳහා කොටස් එක්ව ඇති බැවින් ඊට පටහැනි වෙනත් ධජයක් ප්රදර්ශන කිරීමට අවසර ලබාදිය නොහැකි බවත් සුදත් මාසිංහ පැහැදිලි කර දුන්නේය.
මෙරට ව්යවස්ථාවට අනුව ප්රසිද්ධ ස්ථානයක ප්රදර්ශන කළ හැක්කේ ව්යවස්ථාපිත ජාතික ධජය පමණක් බවද හෙතෙම පෙන්වා දුන්නේය.
මෙම ධජය දළඳා මාලිගා පරිශ්රයේ ප්රදර්ශනය කිරීම තහනම් කරමින් මේ වන විට අධිකරණ නියෝගයක් පවා ලබාදී ඇති බවද ජ්යෙෂ්ඨ පොලිස් අධිකාරීවරයා පැවසුවේය.
එම අධිකරණ නියෝගය භික්ෂුන් වහන්සේට පෙන්වීමෙන් අනතුරුව සිංහලේ ධජය එම ස්ථානයේ රැස්ව සිටි ජනතාවට හා මාධ්ය වෙත ප්රදර්ශනය කිරීමට පියවර ගත් අතර භික්ෂුව පොලිස් අධිකාරිවරයාට ඉන් ධජයක් ලබාදීමට පියවර ගත්තේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
අනතුරුව ශ්රී දළදා මාලිගාව වෙත ගිය මැදිරිගිරියේ සුකී භික්ෂුව ආගමික වතාවත්වල නිරත වීමෙන් අනතුරුව සිංහලයේ ධජය ශ්රී දළදා සමිඳුන්ට පූජා කිරීමටද පියවර ගත්හ.
