-
සහාය හමුදා සේවය සඳහා යැයි කියා විශ්රාමික හමුදා සෙබලුන් රුසියාවට රැගෙන ගොස් ඉදිරි යුධ පෙරමුණේ මරණීය ගොදුරු කර බලහත්කාර යුද සේවයේ යොදවලා…
-
පලා එන්න විදිහක් නෑ,… පෙරමුණ හැර පැමිණියත් වෙඩි… පළායන්න හැදුවත් වෙඩි…
-
රුසියානු යුද සේවයෙන් පැනවිත් අපරාධ පරීක්ෂණ දෙපාර්තමේන්තුවට පැමිණිල්ලක් කරන විශ්රාමික යුද හමුදා සෙබලෙක් කියන බිහිසුණු කතාව
හමුදා සහාය සේවා යැයි පවසමින් යුද හමුදාවෙන් විශ්රාම ගිය පිරිස් රුසියාවට රැගෙන ගොස් අවි පුහුණුව යාවත්කාලීන කර කුලී හේවායින් සේ බලහත්කාරයෙන් ඉදිරි යුද පෙරමුණයට යැවීම සිදුකරන බවත් මිනිස් බිලි ලෙස ඉදිරි යුද පෙරමුණයට යැවූ සෙබලුන්ට නැවත හැරී ඒමක් නොමැති බවත් රුසියානු හමුදා භාරයෙන් පැන අසීරු ගමනකින් අනතුරුව යළි ශ්රි ලංකාවට පැමිණි විශ්රාමික හමුදා සෙබලෙක් අපරාධ පරීක්ෂණ දෙපාර්තමේන්තුවට මීට දින කීපයකට පෙර පැමිණිල්ලක් ඉදිරිපත් කර ඇතැයි දිනමිණ පුවත්පත වාර්තා කරයි.
මෙසේ කුලී හේවායින් ලෙස යොදවා ඇති විශ්රාමික ශ්රී ලංකා හමුදා සෙබලුන් අන්ත ලෙස දුක් විඳින බව ද එම පැමිණිලිකරු සඳහන් ක තිබේ.
ඔහු පවසා ඇත්තේ මෙම ඉදිරි ආරක්ෂක වළල්ලේ සේවය සඳහා යොදවා ඇති පිරිස යළි පසුපසට එන්නේ නම් හෝ පළා යෑමට උත්සාහ කරන්නේ නම් ඔවුන්ට වෙඩි රුසියානු හමුදා සෙබලුන්ගේ වෙඩි පහරට ලක්වන්නට සිදුවන බව ද ප්රකාශ කර ඇත.
තමන් ජීවිතය පරදුවට තබා පලාවිත් දින ගණක් තිස්සේ නිරාහාරව කැලෑ මාර්ග ඔස්සේ පැමිණ රුසියාවේ ශ්රි ලංකා තානාපති කාර්යාලය වෙත පැමිණි බව කියා ඇති මෙම පුද්ගලයා ශ්රි ලංකා තානාපති කාර්යාලය ඔස්සේ යළි මෙරටට පැමිණි බව පවසා තිබේ.
රුසියානු භාෂාවෙන් ඇති ලියකියැවිලි පෙන්වා මෙම ජාවාරම සිදුකරන පුද්ගලයින් සහ ඒජන්සි සම්බන්ධව විශාල තොරතුරු ප්රමාණයක් මෙම පුද්ගලයා විසින් අපරාධ පරීක්ෂණ දෙපාර්තමේන්තුවට ලබා දී ඇත.
ඒ තොරතුරු ඔස්සේ පුලුල් විමර්ශනයක් පැවැවෙන බව ද අපරාධ පරීක්ෂණ දෙපාර්තමේන්තු ආරංචි මාර්ග පවසයි.
මේ අතර යුක්රේන දේශ සීමාවේ ඩොනේෂ් ප්රදේශයේ දී රුසියානු ඉදිරි ආරක්ෂක වළල්ලට එල්ල වූ ඩ්රෝන ප්රහාරයකින් කුලී හමුදා සේවයේ යොදවා ඇති ශ්රි ලාංකිකයින් 02ක් පෙරේදා (10) මියගොස් ඇති බව විදෙස් ආරංචි මාර්ග කියයි.