ජනාධිපති සමාව අවභාවිතා කරමින් රැඳවියන් නිදහස් කර ඇතැයි කියන සිද්ධියේ විමර්ශන සඳහා අපරාධ පරික්ෂණ දෙපාර්තමේන්තුවේ කණ්ඩායම් 28ක් බන්ධනාගාර වෙත යොමු කර තිබේ.
පොලිසිය පවසන්නේ එම විමර්ශන කණ්ඩායම් බන්ධනාගාර තුළ ඇති ලේඛන රැසක් පරීක්ෂා කරන බවය.
මේ වනවිට බන්ධානාගර කොමාරිස් ජනරාල් තුෂාර උපුල්දෙණිය වැඩ තහනමට ලක් කර ඇති අතර ඔහු ලබන 25 තෙක් රක්ෂිත බන්ධනාගාරගත කර ඇත. අනුරාධපුර බන්ධනාගා අධිකාරී මොහාන් කරුණාරත්න හෙට දින දක්වා රක්ෂිත බන්ධනාගාරගත කර තිබේ.
බන්ධනාගාර මාධ්ය ප්රකාශක ගාමිණී පී දිසානායක එම ධූරයෙන් ඉල්ලා අස් වූ අතර බන්ධනාගාර දෙපාර්තමේන්තුවේ නව මාධ්ය ප්රකාශකවරයා ලෙස බන්ධනාගාර කොමසාරිස් පුනරුත්ථාපන ජගත් වීරසිංහ පත් කර තිබේ.
