සිරගත කර සිටින හිටපු පාර්ලිමේන්තු මන්ත්රී රන්ජන් රාමනායක මහතා විසින් අධිකරණයට අපහස කරනු ලැබීමේ සිද්ධියට අදාළ දෙවැනි නඩුව, කරුණු සලකා බැලීම සඳහා ලබන මාර්තු මස 24 වැනි දින කැඳවීමට ශ්රේෂ්ඨාධිකරණය අද (09) තීරණය කළේය.
අගවිනිසුරු ජයන්ත ජයසූරිය, ඒස්. තුරෙයිරාජා, සහ යසන්ත කෝදාගොඩ යන මහත්වරුන්ගෙන් සමන්විත ශ්රේෂ්ඨාධිකරණ විනිසුරු මඩුල්ලක් හමුවේ මෙම නඩුව අද (09) කැඳවනු ලැබිණි.
ඒ අවස්ථාවේ දී බන්ධනාගාරගත කර සිටින රන්ජන් රාමනායක අධිකරණයට ඉදිරිපත් කරනු ලැබුවේය.
එම අවස්ථාවේ දී රන්ජන් රාමානයක වෙනුවෙන් පෙනීසිටි ජනාධිපති නීතිඥ අනුර මැද්දොගොඩ අධිකරණය හමුවේ කරුණු දක්වමින් මෙම නඩුකරයට පාදකවන ප්රකාශය සම්බන්ධව තම සේවාදායකයා කොන්දේසි විරහිතව අධිකරණය වෙත සිය කණගාටුව ප්රකාශ කිරීමට අපේක්ෂා කරන බව දැනුම් දුන්නේය.
එම ප්රකාශයෙන් අධිකරණයට අපහාස කිරීමේ චේතනාවක් තමන් වෙත නොතිබුණු බව සිය සේවාදායකයා විසින් ප්රකාශ කරන ලද බවත්, ඒ සම්බන්ධයෙන් කරුණු දැක්වීම සඳහා දිනයක් ලබා දෙන ලෙසත් ජනාධිපති නීතිඥවරයා ඉල්ලා සිටියේය.
මේ සම්බන්ධයෙන් ලබන 25 දා අධිකරණය හමුවේ කරුණු දකව්වන ලෙස අධිකරණය විසින් ජනාධිපති නීතිඥවරයාට දැනුම් දුන්නේය.
