ලලිත් චාමින්ද –
රාජ්ය මුද්රණ සංස්ථාව විසින් මුද්රණය කරණු ලබන ලොතරැයි පත් සඳහා එක් ලොතරැයි පතකින් සංස්ථාවට ලැබිමට නියමිතව ඇති මුදල ශත 49ක මුදල කිසිදු අධ්යක්ෂ මණ්ඩල අනුමැතියකින් තොරව හිටපු සභාපතිවරයා විසින් අත්තනෝමතික ලෙස ශත 44 තෙක් ( දල වශයෙන් 11%ක්) පහළ දැමීම හේතුවෙන් 2021 හා 2022 දෙවසර තුළ රුපියල් එක්කෝටි අනුඑක් ලක්ෂ, විසි අටදහස්, පන්සිය අසු අටක (19,128,588) ආදායමක් අහිමිවි ඇති බව ජාතික විගණන කාර්යාලය පවසයි.
තමන්ගේ අභිමතය මත මෙම මිල පහළ දැමීම කර අත්තේ වර්ෂ 2021 සහ 2022 වසරවල රාජ්ය මුද්රණ සංස්ථාවේ සභාපති ධූරය දැරූ පුද්ගලයා විසිනි.
මේ නිසා 2021 වර්ෂයේ දී පමණක් සංස්ථාවට අහිමිවු ආදායම රුපියල් එක්කෝටි, දහඅට ලක්ෂ, අනූ නව දහස්, හයසිය තුනකි (11,899,603)කි.
2022 වර්ෂයේ අහිමිවු ආදායම රුපියල් හැත්තෑ දෙලක්ෂ, විසි අට දහස් නවසිය අසූ පහකි (7,228,985).
නිසි නීතිමය ක්රියාමාර්ග අනුගමනය කරමින් මෙම මුදල නැවත අයකරගැනීමට කඩිනමින් කටයුතු කළයුතු බවට විගණනය මගින් නිර්දේශකොට ඇත.
ඉදිරියේ දි මෙවැනි සිදුවිම් නොවීමට අවශ්ය අභ්යන්තර පාලන ව්යුහය ශක්තිමත් කළ යුතු බවට විගණනය මගින් නිර් දේශකොට තිබේ.
මේ පිළිබද සංස්ථාවේ කළමණාකාරිත්වය විසින් විගණනයට සඳහන් කොට ඇත්තේ 2020 හා 2021 යන වර්ෂවලදි සංස්ථාවේ සභාපතිවරයා විසින් අධ්යක්ෂක මණ්ඩලයේ අනුමැතියකින් තොරව අදාල අඩුකිරීම සිදුකොට ඇති බවය.
එසේ අහිමි වු ආදායම නැවත ලබාගැනිම සඳහා පසුව ලිඛිතව දන්වා ඇති නමුත් එම මුදල ගෙවීමට කටයුතු නොකරණ ලද බවද කළමණාකරිත්වය විසින් විගණනයට සඳහන් කොට ඇත.
රාජ්ය මුද්රණ සංස්ථාව සම්බන්ධයෙන් 2022 වර්ෂයට අදාලව මෙම විගණන වාර්තාව නිකුත්කොට තිබුණි.
