ලලිත් චාමින්ද –
මරණය ගෙයි එළිපත්තේ සිටි බව අමතකය. රටේ ජනාධිපතිවරයා විසින් පළාත් සංචරණ සීමා ක්රියාත්මක කරන්නට නියම කර තිබේ. විශේෂ සෞඛ්ය ආරක්ෂිත නියාමනයන් සහිත මාර්ගෝපදේශ නිකුත් වී ඇත.
එහෙත් මේ අශීලාචාර මිනිස්සු මාස්ක් එකක් නැතිව හතරවරං කෙළිති. මේ අද ලෝක උරුම ගාලු කොටුව දෙස් විදෙස් සංචාරකයන්ගෙන් පිරී තිබුණු ආකාරය ය.
එකෙකුගේ මුව ආවරණය නිකටේය. තව එකෙකුට මුව ආවරණයක් නැත. මීටරයේ පරතයට මේ අශික්ෂිත මිනිස්සු විහිලු කරති.
තවම මේ රට මරණයෙන් නිදහස් නැත. එකෙකුට අඩුම තරමින් රුපියල් තුන්දහසක වියදමක් දරා ලෝකයට ණය වී එන්නත් ගැසූ බව සැබෑය. එහෙත් වෛරසය තවත් රැල්ලක් සේ මතුවන්නට ඇති බිහිසුණු අවදානම තවමත් එසේමය. වෛරසයේ වෙනත් ප්රභේද බිහිවෙමින් මතු වී පැතිරෙන්නට ඇති මරණීය අනතුර තවමත් තුරන් වී නැත.
රටේ දේශපාලනයට සෞඛ්යයට ආර්ථිකයට හතර දුරාවේ බණිමින් සුජාත වෙන්නට උත්සාහ කරන හැම එකෙක්ම තමන්ගේ වගකීම පුරවැසියන් ලෙස සමාජයට ඉටු කර ඇතිදැයි පපුවට තට්ටු කර ඇසිය යුතු බව විශ්වාස කරමු.
