උපේක්ෂා උඩුවැරැල්ල –
72 වන ලෝක රූ රැජින තරඟය අද පස්වරුවේ ඉන්දියාවේ හයිද්රාබාද් හි HITEX සම්මේලන මධ්යස්ථානයේදී අවසන් වීමට නියමිතයි.
තරඟකරුවන් 107 දෙනා අතරින් ශ්රී ලංකාවේ අනුදි ගුණසේකර කැපී පෙනෙන චරිතයක් බවට පත්ව සිටින්නීය. ඇය තම ජාතිය වෙනුවෙන් ඉතිහාසයක් නිර්මාණය කර ඇත.
ශ්රී ලංකාව සඳහා ඓතිහාසික ගමනක් අනුදි ගුණසේකර පැමිණ තිබේ. දැනට අවසන් පූර්ව වටයට පිවිසෙන්නට තෝරා ගන්නා තරග කාරියන් 40 දෙනා අතරින් 18 දෙනෙකු තෝරාගෙන ඇත. ඒ 18 තුළ අනුදි නැත. ඉතිරි 22 තෝරා ගන්නේ අද සවස පැවැත්වෙන ඉසවුවල ප්රකාශිත කුසලතා මතය.
මේ වනවිට ජාත්යන්තර වේදිකාවේ ඇගේ සුවිශේෂී දස්කම් ප්රදර්ශනය කරමින් ආසියාවේ හොඳම අවසන් තරඟකරුවන් 5 දෙනා අතරට ඇය ද නම් කර ඇත. තරඟයේ බහු අංශවල ඇයගේ ජයග්රහණ මගින් අනුදිගේ සාර්ථකත්වය කදිමට ඉස්මතු විය. මිස් වර්ල්ඩ් ටැලන්ට්, හෙඩ්-ටු-හෙඩ් සහ බහුමාධ්ය අභියෝගවල අවසන් තරඟකාරියක් වූ පළමු ශ්රී ලාංකිකයා ඇයයි. එය ඉතිහාසය යළි ලියැවීමකි.
ශ්රී ලංකාවේ ආර්තව දරිද්රතාවයට එරෙහිව සටන් කිරීම අරමුණු කරගත් ඇගේ “සහේලි” ව්යාපෘතිය, ලෝක රූ රැජින සංවිධානයේ “අරමුණක් සහිත සුන්දරත්වය” ආචාර ධර්ම නිරූපණය කළේය.
කිරුළ කාට ද?
2025 ලෝක රූ රැජින කිරුළ සඳහා ඉහළම තරඟකාරිත්වය මේ වනවිට නිර්මාණය වී තිබේ. තරඟාවලිය එහි උච්චතම අවස්ථාවට ළඟා වන විට, තරඟකාරියන් කිහිප දෙනෙකු කිරුළ සඳහා ශක්තිමත් ලෙස මතුවෙමින් සිටිති.
නන්දිනී ගුප්තා
කැපී පෙනෙන චරිතයක් වන්නී සත්කාරක ඉන්දියාවේ සුරුපිනිය නන්දිනී ගුප්තා ය. නන්දිනී අවසන් පූර්ව වටයේ ස්ථානයක් ලබා ගෙන ආසියා-ඕෂනියා කලාපය සඳහා ඉහළම නිරූපිකාව අභියෝගය දැනටමත් දිනාගෙන සිටින්නීය.
වැලේරියා පෙරෙස්
වැලේරියා ජෙරෙස් නියෝජනය කරන්නී ලතින් ඇමරිකානු රටක්වන පුවර්ටෝ රිකෝ ය. ඇමරිකා එක්සත් ජනපදය සහ කැරිබියන් කලාපය සඳහා අරමුණක් සහිත සුන්දරත්වය සහ ලෝක විලාසිතා නිර්මාණ කාරිනී සම්මානවල ජයග්රහණ ඇය සතුය. අවසන් පූර්ව වටයට තේරුණ ඉදිරිපෙළ තරගකාරිනියන් 40 දෙනා අතර සිටින එකම ලතින් ඇමරිකානු යුරෝපිනිය වැලරියාය.
ඇතන්නා ක්රොස්බි
එක්සත් ජනපදය නියෝජනය කරන්නීය. ඇතෙනාගේ චමත්කාරය සහ සංස්කෘතික සම්බන්ධතාවය ඇයට ඉහළම 40 දෙනා අතර ස්ථානයක් ලබා ඇත්තේය. ඇයගේ අත්දැකීම් සහ සමාජීය අරමුණු සඳහා කැපවීම හේතුවෙන් ඇගේ ජයග්රහණය පිළිබඳ හිතකර අනාවැකි පළවී ඇති අයුරු දකිමු.
අවසාන ඉසව්ව ආසන්න වන බැවින්, 2025 ලෝක රූ රැජින ලෙස කිරුළු පළඳින්නේ කවුරුන්ද යන්න දැකීමට අපේක්ෂාව ඉහළ ය. අනුදි ගුණසේකරගේ ගමන දැනටමත් ශ්රී ලංකාව සඳහා නව මිණුම් ලකුණක් සකසා ඇති තිබේ. බොහෝ දෙනෙකුට ආශ්වාදයක් ලබා දෙමින් සහ ගෝලීය වේදිකාවේ ජාතියේ විභවය ප්රදර්ශනය කරන මේ යෞවනිය දෙස ගෞරව පූර්වකව බලාගෙන සිටිමු.
