ඉන්දියන් ණය යෝජනා ක්රමය යටයේ ඩොලර් මිලියන 180ක් අත්යාවශ්ය භාණ්ඩ මිල දී ගන්නට අවස්ථාව ඇති බවත් ඉදිරි මාස තුනක කාලය තුළ අත්යාවශ්ය භාණ්ඩවලින් සියයට අනුවක් ආනයනය කරන්නේ ඉන්දියාවෙන් බවත් වෙළෙඳ ඇමති නලීන් ප්රනාන්දු පවසයි
නෙත් ගුවන්විදුලි නාලිකාවට සම්මුඛ සාකච්ඡාවක් ලබා දෙමින් ඇමතිවරයා පවසන්නේ අත්යාවශ්ය භාණ්ඩ හිඟයක් කිසිසේත්ම ඇතිවන්නේ නැති බවය. මහා පරිමාන සහල් මෝල් හිමියන් මිල පාලනයක් සඳහා එකඟවීම, සහල් ආනයන අවස්ථාව යළි විවෘත කිරීමත් සමග ඉදිරි සතිය තුළ වෙළෙඳපලේ සහල් හිඟය නැතිවනවා සේම සහල් මිල පාලනය වන බවත් පැවසීය.
ආහාර හිඟයක් සම්බන්ධව කරනු ලැබුවේ පුරරෝකථනයක් බවත්, එම පුරෝකථනයට බිය වී ජනතාව විශාල ලෙස අහාර තොග රැස්කිරීම් කරන විට ලෝකයේ කිසිම රටක භාණ්ඩ හිඟයක් ඇතිවීම පාලනය කළ නොහැකි බවත් ඇමතිවරයා පෙන්වා දුන්නේය.
සීනි සහ පරිප්පු මිල දිගින් දිගටම ඉහළ යන පසුබිමක් ඇති බවත් ඒ සම්බන්ධව තොග වෙළෙදුන් දැනුම්වත් කර ඇති බවත් අතාර්කිකව මේ මිල ඉහළ දැමීම තවදුරටත් කරන්නේ නම් සීනි සහ පරිප්පු සම්බන්ධව වහාම ක්රියාත්මකවන පරිදි මිල පාලනයක් පනවන බවත් ඇමතිවරයා පැවසුවේය.
