රුපියල් මිලියන 85කට අධික වටිනාකමකින් යුත් කුෂ් මත්ද්රව්ය තොගයක් මෙරටින් නීතිවිරෝධී ලෙස රැගෙන යාමට උත්සාහ කළ ඉන්දීය ජාතිකයෙකු අත්අඩංගුවට ගෙන තිබේ.
සැකකරු ඊයේ (13) පෙ.ව. 9.45 ට පමණ කටුනායක ජාත්යන්තර ගුවන්තොටුපළට පැමිණ ඉන්දියාවේ මදුරෙයි වෙත ආපසු යාමට පෙර පර්යන්තයේ රැඳී සිට ඇත.
පොලිස් මත්ද්රව්ය නාශක කාර්යාංශයට අනුව, සැකකරුගේ ගමන් මලු පිළිබඳව නිලධාරීන්ට සැකයක් ඇති ඇති වී තිබේ. ඒ අනුව පොලිසිය “රැන්ඩි” නැමති පොලිස් නිල සුනඛයා මෙහෙයවා එහි මත්ද්රව්ය තොගයක් ඇති බවට තහවුරු කරගෙන ඇත.
තොගයේ කුෂ් කිලෝග්රෑම් 08 ග්රෑම් 542 ක් අඩංගු වී ඇත.
චෙන්නායි හි පදිංචි 33 හැවිරිදි සැකකරු මීගමුව මහේස්ත්රාත් අධිකරණයට ඉදිරිපත් කිරීමට නියමිතය.
