අගමැතිවරයා ප්රමුඛ කැබිනට් මණ්ඩලයට ඉල්ලා අස් වී සර්ව පාක්ෂික රජයක් ගොඩනගා අභියෝග ජය ගැනීමට පාර්ලිමේන්තුවට අවස්ථාව සලසා දෙන මෙන් හිටපු අමාත්ය පාර්ලිමේන්තු මන්ත්රී ඩලස් අලහප්පෙරුම ජනාධිපති ගෝඨාභය රාජපක්ෂගෙන් ලිඛිතව ඉල්ලා තිබේ.
මීට දෙවසරකට පෙර රජය පිළිබඳව ජනතාව තැබූ විශ්වාසය බරපතල ලෙස නාය යෑමට තුඩු දුන් කේන්ද්රීය හේතුව අවංකවම හඳුනාගත යුතුව ඇති බව ඔහු පවසයි.
මේ බරපතල ආර්ථිකය අර්බුදයට හේතුව තමන් ද වගකිව යුතු දශක හතරක රාජ්ය පාලනය විසින් අනුගමනනය කරන ලද අතාර්කික අදූරදර්ශී, අනිතික ආර්ථික සහ මූල්ය කළමනාකරණයත්, ප්රජාතන්ත්රවාදයේ පූජනීය පරමාර්ථ සහ ආකෘතීන්වලට පිටුපා නාභිගත කුඩා කණ්ඩායමක් විසින් සිදුකළ ආණ්ඩු කරණයත් බව පවසයි.
අවසානයේ රට බංකොලොත් බව රජය නිල වශයෙන් පිළිගෙන ඇති බව මන්ත්රීවරයා පෙන්වා දෙයි. එම ආර්ථික අර්බුදය දේශපාලන අර්බුදයක් වී ජනාධිපතිවරයා ඇතුළු පක්ෂ විපක්ෂ සියලු මහජන නියෝජිතයන්ගේ දෙපා අභියස කඳවුරු බැඳ ඇති ආකාරය පවසන මන්ත්රීවරයා මෙවැනි තාර්කික අර්බුද හමුවේ අදූරදර්ශී, අපරිණත තීරණ ගැනීම්වලින් සම්පූර්ණයෙන් බැහැර විය යුතු බව දේශපාලන සමාජයේ පිළිගැනීම බව දන්වා සිටී.
අස්වනු නෙලා ගත් ගොවිබිම්වල ඉතිරි කළ පඹයන් සේ සැලකූ දේශපාලන කෙළිබිමේ ඡන්ද දායකයා තවදුරටත් පඹයෙක් නොවන බව නූතන දූ පුතුන් ක්රියාවෙන් ඔප්පු කර ඇතැයි මන්ත්රීවරයා පෙන්වා දෙයි.
දැන් වහා කළ යුත්තේ ජනතා පරමාධිපත්යයට ගරු කරමින් ජීවත්වීමට අනවරත අරගලයක යෙදී සිටින අහිංසක ජනතාවට කන් දෙමින් පුරවැසියන්ගේ අඳෝනාවන්ට සංවේදී වෙමින් ගරු අග්රාමාත්යවරයා ප්රමුඛ කැබිනට් මණ්ඩලය ඉල්ලා අස්වී ජාතික න්යාය පත්රය පෙරදැරිකරගත් සර්ව පාක්ෂික නව ආණ්ඩුවක් ගොඩනගා මෙම අභියෝගය එක්සත්ව ජය ගැනීමට පාර්ලිමේන්තුවට අවස්ථාව සලසා දීම බව මන්ත්රීවරයා අවධාරණය කරයි.
එම නිවේදනය පහත දැක්වේ.
