ශ්රීමතී විජේරත්න –
මහව අධ්යාපන කලාපයේ ගල්ගමුව අධ්යාපනය කොට්ඨාසයේ පිහිටි බොහෝ පාසල් වන අලි තර්ජනයට මැදි වූ ඒවාය. කුමන බාධක මධ්යයේ වුවද මහපොළොවේ පය ගසා ජීවත් වන දරු දැරියන් පිරිසක් එම පාසල්වල ඉගෙනුම ලබන බව නොරහසකි.
“දිරියෙන් නැගිටිමු” තේමාව පෙරදැරි කරගෙන තම පාසලේ අක්කර එකහමාරක භූමි ප්රදේශයේ තල වගාකර , පාසලට අඩුවක්ව පැවති මාධ්ය ඒකකය ස්ථාපිත කර ගැනීමට මඩදොඹේ ප්රාථමික පාසලේ දරු දැරියන්ට හැකි විය.
විදුහල්පති තුමියගේ උපදෙස් මත දෙමව්පියන්ගේ සහයෝගයෙන් ගුරු බවතුන්ගේ අධීක්ෂණයෙන් මෙම කර්තව්ය සාර්ථකව ඉටුකර ගැනීමට හැකි වූ බවද දරු දැරියෝ පැවසූහ. ඔවුන් තල වගාකොට ලක්ෂයකට අධික ආදායමක් ලැබූහ.
මහව අධ්යාපන කලාපයේ ගල්ගමුව අධ්යාපන කොට්ඨාසයේ පිහිටි මඩදොඹේ ප්රාථමික පාසල කලක් ප්රදේශයේ කීර්තිමත් පාසලක් ලෙස පැවති අතර, පසු කලෙක විවිධ තර්ජන බාධක මැද සිසුන් පහකින් යුතුව වැසී යාමයේ තර්ජනයට ලක් වූ පාසැලකී.
එහෙත් මෑත කාලයේදී සිසුන් අසූ හත් දෙනෙක් සහිත මෙම පාසල පුනර්ජීවන අවධියක් කරා ගමන් කරමින් ඇත. අසුන්ගත අධ්යාපනයෙන් මිදෙමින් දරුවන්ට මහපොළොවේ පයගසා ජීවත් වීමට අවශ්ය ශක්තිය ලබා දෙන්නේ පාසලේ වර්තමාන විදුහල්පති තුමිය වන ඩබ්. අයි. කේ රණසිංහ ය. ඇය මෙසේ පැවසුවාය.
” අපි පාසලකින් බිහි කළ යුත්තේ අත හිස සහ හදවත සහිත දරුවන් බව මගේ විශ්වාසයයි. එනිසා අසුන්ගත අධ්යාපනයෙන් ඔබ්බට ගිහින් විවිධ වැඩසටහන් පාසල තුළ ක්රියාත්මක කරන්න මම පසුබට වෙන්නේ නැහැ. බාධක කරදර එමටයි. නමුත් ඒවා මැඩගෙන අපි මේ ගමන කෙසේ හෝ ඉදිරියට යනවා. පහුගිය දිනවල පාසලේ අන්තර් පාසල් ක්රිකට් තරගාවලියක්, දෙමළ භාෂා කඳවුරක් ඉංග්රීසි භාෂා භාවිතයෙන් වෙළඳපොලක්, වැනි වැඩසටහන් කීපයක්ම කළා.ලක්ෂ දෙක හමාරක් පමණ වටිනා වැසිකිලි පද්ධතියක් ඉදිකළා…
මේ සියල්ලම අපි කරන්නේ කණ්ඩායම් හැඟීමෙන්. මහව අධ්යාපන කලාපයේ අධ්යාපන අධ්යක්ෂතුමා ඇතුළු නිලධාරීන් , ගල්ගමුව අධ්යාපන කොට්ඨාසයේ කොට්ඨාස අධක්ෂතුමා ඇතුළු නිලධාරීන්, පාසලේ දෙමව්පියන් ගුරුබවතුන් සහ දූ දරුවන්ගෙන් විශාල සහයෝගයක් ලැබෙනවා
