තවමත් ඉන්දියාව lockdown කර ඇති නිසා මුළු බොලිවුඩයම නිහඬයි. නළු නිළියන් තම තමන්ගේ නිවෙස්වල රැඳෙමින් විවිධ වූ ක්රියාකාරකම් හී යෙදෙමින් බොහෝ කලකට පසු ලැබුණූ නිදහස, නිදහසේ භුක්ති විදීමින් සිටිනවා. නිදහස භුක්ති විඳින ගමන්ම ඒ විඳින සමහර දේවල් සමාජ මාධය ඔස්සේ ප්රචාරණය කරන්න ඔවුන් අමතක නොකරන්නේ තම රසික රසිකාවන් ගේ අවධානය ගැනීමේ අරමුණකින් ද වෙන්නත් පුළුවන්. නමුත් එය සුන්දරයි. ඒ දේවල් නරඹලා අපට යම් විනෝදාස්වාදයක් ඒ ලබන්න පුළුවන්. මේ කියන්න යන්නෙත් බොලිවුඩු තාරකාවක් කරපු එහෙම වැඩක් ගැන තමයි.
බොලිවුඩ් සුරූපි නිළි Sonakshi Sinha (සෝනක්ෂි සින්හා) අතින් නිර්මාණය වුණු අපූරු බෝසත් සිතුවමක් තම Instagram පිටුව ඔස්සේ පළ කර තිබුණා. සොනාක්ෂි එය නම් කර තිබුණේ අපුරු නමකින්. එනම් “බුද්ධිමත් තැනැත්තා” (The Enlightened One)යනුවෙන්. චිත්ර ගැන ඇය පවසන්නේ මෙවන් කතාවක්…….,
“මගේ කලාව තමයි මගේ ආත්මය. සිතුවම් කිරීමෙන් මම අසීමිත සතුටක් ලබන ගමන් මනසත් සුවපත් කර ගන්නවා. සිතුවම් මගේ සිතුවිලි අලුත් කරනවා. මම සිතුවම් කරපු හැම චිත්රයක්ම විකුණන් තීරණය කළා. දැන් මුලු රටම lock-down. මේ ඛේදවාචකය නිසා එදිනෙදා හම්බ කරගත්තු මිනිස්සු කී දහකට නම් රස්සා නැති වුණාද …ඒ නිසා ඒ පවුල් වලකී දෙනෙක් නම් නොකා නොබි දවස් ගණන් දුක් විඳිනවද..ඉතින් මේ චිත්ර විකුණලා ලැබෙන හැම සතයක්ම් ඒ අය වෙනුවෙන් ලබා දෙන්න තීරණය කළා. අපි හොඳ වෙන්නේ කොහොමද අනෙකාට හොඳ දෙයක් කරන්න බැරිනම්. “
මේ චිත්ර ඉහළ මිලකට විකිණීමට දැනටමත් කටයුතු සූදානම්. ඩොලර් 20,000 සිට එම චිත්රවල මිල ගණන් ඇරැඹෙන්නේ. ඒ චිත්රවලට ලංසු තැබීම දැන් අවසන්. ඩිජිටල් මුද්රණ, අද්විතීය සිතුවම් සහ විශාල කැන්වස් සිතුවම් මේ අතර තිබෙනවා. lock-down සමය අවසන් වූ වහාම ඉහළම මිළ ගණන් යටතේ විකුණු චිත්ර අදාළ රටවලට නැවු ගත කිරීමට සියල්ල සැලසුම් කොට තිබෙනවා.
මේ යහපත් කර්තව්යයට ඇගේ ක්ෂේත්රයේ හිතවතුන්ද, රසික රසිකාවන්ද සොනාක්ෂිකේ මේ යහපත් ක්රියාව අගය කරමින් තම අදහස් සමාජ ගිණුම් වලට එකතු කර තිබෙනවා. සොනාක්ෂි සින්හා දක්ෂ කලාකාරියක් බව වචනයේ පාරිසමාර්ථයෙන්ම තම රසික රසිකාවියනට වගේම ලෝකයටම පෙන්වා දී තිබෙනවා. එමෙන්ම ඇය හදවතක් ඇති කලාකාරියකි.
සොනාක්ෂි සින්හා ඉන්දීය සිනමා නිළියක් වගේම ගායිකාවක්. ඇය සිය වෘත්තීය දිවිය අරඹන්නේ 2005 දී Mera Dil Leke Dekho (මේරා දිල් ලේකේ දේකෝ) චිත්රපටයේ ඇදුම් නිර්මාණය කරමින් ඇඟලුම් නිර්මාණ ශිල්පිනියක ලෙසයි. 2010 දී Dabangg (ඩබාන්ග්) නම් චිත්රපටයෙන් රංගනයට පිවිසෙන ඇය හොඳම රංගන ශිල්පිණියට හිමි Filmfair (ෆිල්ම් ෆෙයාර්) සම්මානය ද හිම්කරගන්නවා.
සොනාක්ෂි සින්හා විසින් Insta හි ප්රචාරණය කර තිබු සිතුවම, සිතුවම් කරන වීඩියෝව පහළින් බලන්න අමතක කරන්න එපා.
https://www.instagram.com/p/
