සුනේත්රා ඇතුගල්පුර –
ඡායාරූප – ශෂී සුබ්රමනියම්
රෙබෙකාගේ මුහුණේ වෙනදා අප දුටු සැනින් නැගෙන සුන්දර සිනහව අද දක්නට නොලැබිණි. අප ඇයට දවසේ ආරම්භයේදීම යහපතක් වේවා යැයි සුභ පැතූ විට ,ඇය එසේම වේවා යැයි ,පැවැසුවේ තරමක් වේදනාවෙනි. ඇගේ දුක්මුසු භාවයට හේතුව කුමක් දැයි ඇසීම එතරම් සදාචාරාත්මක නොවන බව අපට හැඟිණි .
එහෙත් රෙබෙකා කිසියම් කෙනෙකු එනතුරු මග බලා සිටින බව අපට හැඟී ගියේ, අප සමඟ කතා කරන විටත් ,ඇය විටින් විට නිවස ඉදිරියේ ඇති මාර්ගය දෙස දෙඇස් යොමා බලා සිටි බැවිනි.
අවසානයේ ඇය මග බලා සිටි පුද්ගලයා පැමිණියේය . අප සිතුවේ,
රෙබෙකාගේ දරුවෙකු අසනීපයෙන් පසු වනවා වන්නට හැකි බවය .
“දරුවන් දෙදෙනාගෙන් කෙනෙකු අසනීපයෙන් දැයි අප ඇසුවේ ,රෙබෙකා මග බලා සිටි පුද්ගලයාගේ බාහිර ස්වරූපයෙන් ඔහු වෛද්යවරයෙකු බව හැඟී ගිය බැවිනි .
“මට ළමයි දෙන්නෙක් නෙමෙයි ,තිස් දෙදෙනෙක් ඉන්නවා , යැයි රෙබෙකා පැවසුවේ මුවේ තරමක සිනහවක් රඳවාගෙනය .
“ධර්මීනා, ගෙ ඇහැකින් කඳුළු එනවා” ,රෙබෙකා පැමිණි අමුත්තාට විස්තර කරන්නට වූවාය .එය ඇසූ අපට මහත් ගැටළුවක් පැන නැගිණි .කවුද මේ අප නොදන්නා ධර්මීනා යන්නය.
මෙම ප්රෙහෙලිකාව යම් තරමකට විසඳා ගැනීමට හැකිවූයේ ,පැමිණි අමුත්තා තමා පශු වෛද්යවරයෙකු බව, අපට ඔහු හඳුන්වා දීමෙන් අනතුරුවය .
ස්විට්සර්ලන්තයේ පශුවෛද්යවරයෙකුට සාමාන්ය වෛද්යවරයෙකුට තරම්ම ගෞරවයක් හා පිළිගැනීමක් සමාජය තුළ තිබේ .ඇල්ප්ස් කඳු ආශ්රිත කිරි ගොවීන් සමග කටයුතු කරන පශු වෛද්යවරුන්ට හිමි වන ගෞරවය ඊටත් වඩා වැඩිය .කිසියම් මොහොතකදී ලැබෙන ඕනෑම දුරකථන ඇමතුමකට ප්රතිචාර දක්වා කඩිනමින් පියවර ගැනීම එම පශු වෛද්ය වරයාගේ වගකීම වීම ඊට ප්රධාන හේතුවකි .එමෙන්ම ඔවුන්ට ඇල්ප්ස් කඳු වෙත යාමට ඇති මාර්ග හැම විටම පහසු ඒවා නොවීමද විශේෂත්වයකි .ඇතැම්විට පශු වෛද්යවරුන්ට ගමන් කිරීමට සිදු වන්නේ හෙලිකොප්ටර් ආධාරයෙනි .
රෙබෙකාගේ ඇමතුමකට අනුව මෙම පශුවෛද්යවරයා දුර්නක්තාල් වෙත පැමිණියේ පෙරවරු 7 ට පමණය .ඒ වන විටත් ඉර උදාව් නොතිබුණු අතර මාර්ගය මීදුමෙන් වැසී තිබිණි .රෙබෙකා සමඟ කතා කිරීමෙන් පසුව ,පශුවෛද්යවරයා කෙලින්ම ගියේ ධර්මීනා වෙතය .ඒ වනවිටත් ධර්මීනා ගව පට්ටියේ කොනක වැතිර සිටියාය .ඇය වෙත ළඟා වූ පශු වෛද්යවරයාට ඇය යම්තාක් දුරට චලනය කරවීමට වෙහෙසක් දැරීමට සිදුවිය .
මාර්ටින් සහ ඔහුගේ තවත් මිත්රයෙකුගේ ආධාර ඇතිව පශුවෛද්යවරයා ධර්මීනා ගෙ ඇස පමණක් නොව නාසය හා කටද පරික්ෂා කළේය .
“බයවෙන්න දෙයක් නැහැ ,උණ නැහැ , මම බෙහෙත් වර්ග කීපයක් දෙන්නම් “කියූ පශූ වෛද්යවරයා ටික වේලාවකින් පිටත්ව ගියේය .මෙතෙක් වේලා දුක්මුසු ස්වභාවයක් පෙන්නු රෙබෙකාගේ හිතට සැනසීමක් ආවෙ ඉන් අනතුරුව බව වැටහුනේ ඇගේ මුහුණේ තිබූ දුක්බර ස්වභාවය කෙමෙන් කෙමෙන් පහව ගිය නිසාය .
ඇල්ප් කිරි ගොවීන්ගේ ප්රධානතම වස්තුව වන්නේ කිරි එළදෙනුන්ය.එක් කිරි එළ දෙනකු අසනීප වීම ඔවුන්ගේ කිරි නිෂ්පාදනයට හා අදායම් මාර්ගයට ඍජු බලපෑම් එල්ල කරයි .බොහෝවිට සීමාසහිත එළදෙනුන් සංඛ්යාවක් ඔවුන් සතු වීම ඊට හේතු වන්නේය .ගවයින්ට දෙවියන් මෙන් සැලකීම හින්දු සංස්කෘතියේ ලක්ෂණයක් බව අප දැන සිටියත් එය යුරෝපයේද ඊට සමාන ආකාරයෙන් සැලකීම අප අත්දුටු සත්යයකි .විශේෂයෙන් ස්විට්සර්ලන්තයේ ගවයින් නොමැතිව කිසිවක් සිදු නොවේ .ඔවුන්ගේ ප්රධානතම ක්රීඩාවක් වන ඇල්ප්ස් මල්ලව පොර තරග ජයග්රහණය කරන අයෙකුට හිමිවන්නේද ගවයෙකි .ඇල්ප්ස් ගවයින් සහිත පෙරහැර ස්විට්සර්ලන්තයේ ප්රධාන වෙළෙඳ දැන්වීම් අතර ප්රමුඛස්ථානයක් ගනී .ගවයින් ස්විස් සංස්කෘතියේ ප්රධාන සළකුණයි .එළදෙනෙකුගේ කිරිවලින් නිෂ්පාදනය කරන චීස් හා චොකලට් ස්විස් ආර්ථිකයට හා ස්විස් නාමයට ගෙන එන්නේ විශාල පිටුවහලකි .
මීළඟට ඇල්ප් දරුවන් හා ඔවුන්ගේ පාසල් ජීවිතය පිළිබඳ තොරතුරු බලාපොරොත්තු වන්න .
සුනේත්රා ඇතුගල්පුර
