ජාතික ජන බලවේගයේ ජනාධිපති අපේක්ෂක අනුර කුමාර දිසානායක අද (17) පෙරවරුවේ වැල්ලවත්ත ගාලුපාරේ මහ සංඝ සභා ලේකම් කාර්යාලයේදී ශ්රී ලංකා අමරපුර මහා සංඝ සභාවේ උපසභාපති අතිපූජ්ය මාගල්ලේ නාගිත මහනාහිමි හමුවිය.
මේ වන විට රට තුළ පවතින දේශපාලන තත්වය පිළිබඳව උන්වහන්සේ ඇතුළු මහා සංඝරත්නය සමග සාකච්ඡා කළ අනුර කුමාර දිසානායක එළඹෙන ජනාධිපතිවරණයේ ජයග්රහණය වෙනුවෙන්ද උන්වහන්සේගේ ආශීර්වාද ලබා ගත්තේය.
මේ අවස්ථාව සඳහා ශ්රී ලංකා අමරපුර මහා සංඝ සභාවේ සහකාර ලේඛකාධිකාරි ශාස්ත්රපති පූජ්ය අහංගම මෛත්රීමූර්ති නාහිමි, අමරපුර සද්ධම්මයුත්තික මාතර පාර්ශවයේ දක්ෂිණ ලංකාවේ ප්රධාන සංඝනායක ශාස්ත්රපති පූජ්ය බැරගම විමලබුද්ධි නාහිමි, රත්මලාන ශ්රී බෝධිරුක්ඛාරාමාධිපති ශාස්ත්රපති පූජ්ය රත්මලානේ රාහුල නාහිමි ඇතුළු මහා සංඝරත්නය එක්ව සිටියහ.
ජාතික ජන බලවේගයේ ජාතික විධායක සභික සුනිල් හඳුන්නෙත්ති ද මේ අවස්ථාවට එක් වී සිටියේය. ජාතික ජන බලවේගයේ නායකයා ඊයේ දිනයේ දී සියම් නිකායේ අස්ගිරි සහ මල්වතු පාර්ශව මහා නායක හිමිවරුත්, රාමඤ්ඤ මහා නිකායේ මහා නායකය හිමිපාණනුත් බැහැ දැක ආශීර්වාද ලබා ගත්තේය.
