ජනාධිපතිවරණය සඳහා පැවැත්වෙන ඡන්ද විමසීමේ දි ප්රචාරක කටයුතු සීමා කිරීම සඳහා වූ නියමන් මැතිවරණ කොමිසම විසින් ප්රකාශයට පත් කර තිබේ.
එම නියමන් අනුව ප්රසිද්ධ ස්ථානවල දැන්වීම්, ප්රචාරක පුවරු පොස්ටර්, කටවුට්, ධජ පතාක බැනර්, තොරන්, චිත්ර, ඡායාරූප, ඡන්ද ලකුණු, අපේක්ෂකයින්ගේ නම්, ආවේනික වැකි ප්රදර්ශනය කිරීම තබා අපේක්ෂකයින් හෝ පක්ෂ ප්රවර්ධනය වන ටී ෂර්ට්, හිස්වැසුම් ද තහනම් කර තිබේ.
කැන්වසින් යා හැක්කේ පුද්ගලයින් 05 දෙනෙකුට නොඅඩු කණ්ඩායමකි. ඡායාරූප සැරසිලි සහ පෝස්ටර් ප්රචාරය කළ හැක්කේ විධිමත්ව අවසර ලබාගත් රැස්වීම් භූමියක් තුළ රැස්වීම පැවැත්වෙන අවස්ථාවේ දී පමණක් බවත්, ශබ්ද විකාශන යන්ත්ර රැස්වීම් භූමියේ පමණක් සවි කළ යුතු බවත් මැතවරණ කොමිසම දන්වා සිටී.
පෝස්ටර ප්රදර්ශනය කරමින් ධාවනය කළ හැක්කේ මැතිවරණ කොමිෂන් සභාවේ අවසරය ගත් අපෙක්ෂකයාගේ වාහනයේ පමණි. කොඩියක් හෝ පතාකයක් ප්රදර්ශනය කළ හැක්කේ අපේක්ෂකයෙක් රැගෙන යන වාහනයක පමණි. අපේක්ෂකයා වෙනුවෙන් දිස්ත්රික්කයේ පත් කර ඇති ඡන්ද නියෝජිතයාට හා බලය ලත් නියෝජිතයන්ගේ වාහන සඳහා දිස්ත්රික් මැතිවරණ කාර්යාලයේ අනුමැතිය ලබාගෙන ඇතිනම් පමණක් ප්රචාරක පොස්ටර් ප්රදර්ශනය කිරීම සඳහා අවසර ලබා දී ඇත.
ප්රචාරක කටයුතු සඳහා රිය පෙරහර තහනම්ය.
නිවේදිත ඡන්ද කාර්යාලවල ප්රදර්ශනය කළ හැක්කේ අපේක්ෂකයාගේ ඡානම ඡන්ද ලකුණ, වර්ග අඩි 40 නොඉක්මවූ එක් ප්රචාරක පුවරුවක් පමණි. එයට අමතරව වර්ග අඩි 20 නොඉක්මවූ පුවරුවක ඡන්ද අපේක්ෂකයාගේ ඡායාරූපය පමණක් ප්රදර්ශන කළ හැකිය.
සැරසිලි කළ හැක්කේ වෙන්කළ නිවේදිත කාර්යාල සීමාව තුළ පමණි. කිසිම ඡන්ද කාර්යාලයක ජාතික ධජ, ආගමික ධජ හෝ සලකුණු ප්රදර්ශනය කළ නොහැකිය. මෙම සෑම කාර්යාලකයම සැරසිලි ඡායා රූප බැනර් සහ පුරවු සැප්තැම්බර් මස 18 දා ඉවත් කළ යුතුය.
මැතිවරණ කොමිෂන් සභාව විසින් ඒ පිළිබඳව නිකුත් කළ නිවේදනය පහත දැක්වේ.
