මෙරට ආර්ථික තත්ත්වය යථා තත්ත්වයට පත් කිරීමට ජාත්යන්තර මූල්ය අරමුදල සමඟ ගිවිසගෙන ඇති මූලික එකඟතාවන් සහ ණය ප්රතිව්යූහගත කිරීම පිළිබඳව ශ්රී ලංකා රජය ලබන 23 වැනිදා සියලුම බාහිර ණය හිමියන් දැනුම්වත් කිරීමට නියමිතය.
ජාත්යන්තර මූල්ය අරමුදල මෙරට ණය ප්රතිව්යුහගත කරමින් ආර්ථිකය යළි යථා තත්ත්වයට පත් කිරීමට පසුගිය පළමුවැනිදා වැනිදා මාණ්ඩලික ඒකඟතාවයට පැමිණියේය. ඒ් අනුව මෙරට ණය ප්රතිව්යුහ ගත කිරීමට මාස 48ක වැඩපිළිවෙළක් සමඟින් ඇමෙරිකානු ඩොලර් බිලියන 2.9ක අමුදල් සහයක් දැක්වීමට එකඟවිය.
ඒ අනුව ශ්රී ලංකාව විසින් සිය බාහිර ණය හිමියන්ට මාර්ගගතව කරුණු දැක්වීමක් 23 වැනිදා සිදු කිරීමට නියමිත බව ණය ප්රතිව්යුහගත කිරීමේ උපදේශක ක්ලිෆර්ඩ් චාන්ස් ආයතනය නිවේදනයක් නිකුත් කරමින් සඳහන් කර ඇත.
ශ්රී ලංකාව මෑතකාලීන ආර්ථික වර්ධනය සඳහා ජාත්යන්තර මූල්ය අරමුදල සමඟ ඇති කරගත් එකඟතාවය සම්බන්ධයෙන් මෙහිදී පැහැදිලි කිරීමට නියමිත බවද ක්ලිෆර්ඩ් චාන්ස් ආයතනය වැඩිදුරටත් සඳහන් කරයි.
එහිදී මුදල් අමාත්යංශය විසින් මෑතකාලීන සාර්ව ආර්ථික වර්ධනයන්, ජාත්යන්තර මූල්ය අරමුදල විසින් හඳුන්වා දුන් පැකේජය අරමුණු සහ ණය ප්රතිව්යුහගත කිරීමේ ක්රියාවලියේ ඊළඟ පියවර පිළිබඳව ණයහිමියන් යාවත්කාලීන කිරීමද සිදුකරනු ඇත.
