කැනඩාවේ පැවති G7 රටවල නායකයින්ගේ සමුලුවේ දී එම නායකයෝ ඒකාබද්ධ ප්රකාශයක් කරමින් පවතින සන්දර්භය තුළ “ඊශ්රායලයට තමන්ව ආරක්ෂා කර ගැනීමට අයිතියක් ඇතැයි ප්රකාශ කරති.
සඳුදා රාත්රියේ නිකුත් කරන ලද එම ප්රකාශයේ දක්වා ඇත්තේ “ඊශ්රායලයේ ආරක්ෂාව සඳහා අපගේ ලබාදීම සහයෝගය නැවත අවධාරණය කරන” බවයි.
“කලාපීය අස්ථාවරත්වයේ සහ භීෂණයේ ප්රධාන මූලාශ්රය ඉරානයයි. ඉරානයට කිසිදා න්යෂ්ටික අවියක් තිබිය නොහැකි බව අපි නිරන්තරයෙන් පැහැදිලි කර ඇත්තෙමු,” ප්රකාශයේ තවදුරටත් සඳහන් විය. ට්රම්ප් මුමුණමින් ඇති වාඛ්යය අවසානයේ G7 සමුළුවේ නායකයෝ තමන්ගේ ප්රකාශයක් ලෙස ඊයේ යළි එළි දැක්වූහ.
මේ සියල්ල අතර ඔවුන් කියන්නේ කලාපයේ “සාමය සහ ස්ථාවරත්වය සඳහා ඔවුන්ගේ කැපවීම” නැවත අවධාරණය කරන බවය.
මේ අතර ඊයේ කැනඩාවේ පැවති G7 සමුළුව අතර මැදදී ට්රම්ප් යළි සිය රටට ආවේය.
“මැදපෙරදිග සිදුවෙමින් පවතින දේ” හේතුවෙන් සඳුදා රාත්රී භෝජන සංග්රහයෙන් පසු කැනේඩියානු රොකීස් හි කනනාස්කිස් හි ලෝක නායකයින්ගේ රැස්වීමෙන් ට්රම්ප් ඉවත් වන බව ධවල මන්දිර මාධ්ය ලේකම් කැරොලයින් ලෙවිට් පැවසුවාය. ඊයේ ඇය ඒ ගැන වැඩි විස්තර සඳහන් කළේ නැත.
“පැහැදිලි හේතූන් මත මම ඉක්මනින් ආපසු පැමිණිය යුතුයි.” යන්නට පෙර ට්රම්ප් මාධ්යයට කීවේය.
ට්රම්ප් නැවත පැමිණීමෙන් පසු ධවල මන්දිර ජාතික ආරක්ෂක කවුන්සිලය රැස්වීමට උපදෙස් දී ඇති බවට වාර්තා පැතිරෙමින් ඇත.
