ඉන්දියාව ජී 20 සමුළුව වෙනුවෙන් නිර්මාණය කර ඇති ලාංඡනය මඟින් ඉන්දියාව එහි වගකීම ලබා ගැනීමට සූදානම් බවත්, ධූර කාලය සඳහා ඉහළ අපේක්ෂාවන් ඇති බවත් පෙන්වා දෙන බව ඉන්දියාවේ ඩෙන්මාර්ක තානාපති ෆ්රෙඩී ස්වේන් සඳහන් කරයි. නෙළුම් මලක් හා ලෝකයක් උස්සාගෙන සිටින දෑතක් සහිත ලාංඡනය මඟින් ඉන්දියාව සභාපති ධූරයේ වගකීම ලබා ගැනීමට සූදානම් බව පෙන්වන බව ද, එම ධූරය හරහා නවදිල්ලියට තිබූ දේ හා පැමිණෙන්නට ඇති දේ අතර පාලමක් සෑදීමට ඉන්දියාවට සුවිශේෂී අවස්ථාවක් තිබෙන බව ද ඔහු පැවසීය.
“ද්විපාර්ශ්විකව, අපි හරිත සංක්රාන්තිය දෙස බලනු ඇත. ඔබගේ ගරු අග්රාමාත්යවරයා පසුගිය නිදහස් දින කතාවේදී ඉන්දියාව සංවර්ධනය වෙමින් පවතින රටක සිට සංවර්ධිත ලෝකයේ නායකයෙකු බවට පත්වීමේ අවශ්යතාවය අවධාරණය කළේය. එම ගමන් පථයේ, ඔබට හරිත සංක්රාන්තියක් තිබිය යුතුය. එබැවින් අපි අපට හැකි සෑම දෙයක්ම කරන්නෙමු. නමුත් අපි ඉන්දියාවට කළ යුතු දේ දේශනා කරන්නේවත් උගන්වන්නේවත් නැත. අපි මෙහි සිටින්නේ ඉන්දියාවට සහයෝගයක් දීමට පමණකි. අපගේ බලාපොරොත්තුව වන්නේ ‘එක් පොළවක්, එක් පවුලක් හා එක් අනාගතයක්’ යන සංකල්පය සම්පූර්ණය කර ගැනීමයි..” ඒ එන්අයි පුවත්සේවයට අදහස් දක්වමින් ස්වේන් පවසා තිබේ. ඉන්දියාව දෙසැම්බර් 1 වැනිදා ජී 20 කණ්ඩායමේ සභාපතිත්වය භාරගත් අතර වසරක කාලයක් එම තනතුර දරනු ඇත.
