E8 ඛාණ්ඩයේ වීසා යටතේ ඍතුමය රැකියා අවස්ථා රටට ලබා ගැනීම සඳහා හිටපු කම්කරු ඇමතිවරයා ලෙස තමන් කටයුතු කළේ ශ්රී ලංකාවේ සහ කොරියානු ජනරජයේ ක්රායාත්මක නීති තත්ත්වයන් ගලපා ගනිමින් නීත්යානුකූලව සහ විනිවිද භාවයකින් යුතුව බව හිටපු කම්කරු ඇමති මනුෂ නානායක්කාර වත්මන් විදේශ කටයුතු, විදේශ රැකියා සහ සංචාරක ඇමති විජිත හේරත් වෙත ලිඛිතව දැනුම් දී තිබේ.
ඩොලර් මිලියන 200ක තිබූ මාසික විදේශ ප්රේෂණ ඩොලර් මිලියන 500 දක්වා වැඩි කිරීමට දියත් කළ ක්රියාවලියේ දී ද්වී පාර්ශවිකය ගිවිසුම් හරහා ශ්රමිකයින් කොරියානු රැකියා සඳහා ශ්රමිකයින් යොමු කිරීම වර්ධනය කරගැනීමට කොරියාවේ ඍතුමය රැකියා අවස්ථා විවෘත කරගැනීමට පියවර ගත් බවද ඔහු එම ලිපියේ දක්වා ඇත.
මනුෂ නානායක්කාර හිටපු ඇමතිවරයා විදේශ රැකියා ඇමති විජිත හේරත් වෙත දැනුම් දෙන්නේ දිගින් දිගටම සමාජ මාධ්ය ඔස්සේ සහ විවිධ මාධ්ය හරහා තමන්ගේ පුද්ගලික ජීවිතයට මෙන්ම දේශපාලන ජීවිතය ද විනාශ කරමින් ප්රචාරයවන විදේශ රැකියා සඳහා මුදල් ලබා ගැනීම පිළිබඳ චෝදනාව මුලුමනින්ම ප්රතික්ෂේප කරන බවය.
ඔහු පවසන්නේ මේ ක්රියාවලියේ දී යම් පුද්ගලයෙක් විදේශ රැකියා සඳහා පිටත් වීමට මුදල් ලබාගෙන ඇතිනම් එය බරපතල වරදක් බවත් ඔවුන් සම්බන්ධව තරාතිරම නොබලා නීතිය ක්රියාත්මක කළ යුතුව ඇති බවය.
ඒ් සඳහා කොන්දේසි විරහිතව සහය දීමට සුදානම් බවත් මනුෂ නානායක්කාර ඇමතිවරයා වත්මන් විදේශ රැකියා ඇමතිවරයා වෙත දන්වා තිබේ.
