19න් පහල ලෝක කුසලාන තරගාවලියේ අද (17) පැවති ඉන්දියාව සහ බංගලාදේශය අතර තරගය ආරම්භයේ දි නායකයින් අතට අත නොදී ලබා ගත් ප්රවේශය වෙනස් කරමින් තරගය අවසානයේ දි දෙපිලේ ක්රීඩකයින් ඉතා සුහදව අතට අත දීම දක්නට ලැබිණි.
දේශපාලනය සහ මිල්ටරි ක්රියාකාරකම් මත ජාතියක ඇතිවන වෛරය ක්රීඩා පිටිය මත මුදා හැරීමේ අතිශය ම්ලේච්ඡ හැසිරීම ඉන්දියාවේ අභිලාෂයන් මත ක්රියාත්මක වෙමින් ඇති පරිසරයක අද තරගයේ කාසියේ වාසිය උරාග බැලීමේ අවස්ථාව මහත්වරුන් සේ අතට අත දී අවසන් නොකළ ආකාරය ක්රිකට් ලෝකය තුළ බලවත් ආතතියක් ඇති කළේය.
මෙය පසුගිය වසරේ ආසියානු කුසලානයේදී ඉන්දු-පාකිස්ථාන තරඟවල දක්නට ලැබුණු තත්ත්වයට සමාන විය.
කෙසේ වෙතත්, බංග්ලාදේශ ක්රිකට් ආයතනය වහාම නිවේදනයක් නිකුත් කරමින් කියා සිටියේ, අසනීප වූ නිත්ය නායක අසීසුල් හකීම් වෙනුවට වැඩබලන නායකයා ලෙස කටයුතු කළ සවාඩ් ඒබ්රර්ට අතට අත දීමට අමතක වූවා මිස එය හිතාමතා කළ අගෞරවයක් නොවන බවයි.
බංග්ලාදේශ ක්රිකට් ආයතනයේ (BCB) ප්රකාශය
කාසියේ වාසිය අවස්ථාවේ සිදු වූ සිදුවීම පිළිබඳව අවධානය යොමු කරමින් බංග්ලාදේශ ක්රිකට් ආයතනය අවධාරණය කළේ අතට අත නොදීම අත්වැරදීමකින් සිදු වූවක් බවයි.
“ක්රිකට් ක්රීඩාවේ ජීවගුණය සහ ප්රතිවාදීන්ට ගරු කිරීම ඕනෑම මට්ටමකදී බංග්ලාදේශය නියෝජනය කිරීමේ මූලික පූර්ව අවශ්යතාවයක් වන බැවින්, මණ්ඩලය මෙම කරුණ ඉතා බැරෑරුම් ලෙස සලකා බලා වහාම කණ්ඩායම් කළමනාකාරීත්වයට උපදෙස් ලබා දුන්නේය. ප්රතිවාදී කණ්ඩායම් සමඟ පවත්වන සියලුම ගනුදෙනුවලදී ඉහළම ක්රීඩාශීලිත්වය සහ අන්යෝන්ය ගෞරවය පවත්වා ගැනීමේ වගකීම පිළිබඳව ක්රීඩකයින්ට ද මතක් කර දී ඇත,” යනුවෙන් එම නිවේදනයේ සඳහන් විය.
තරග ප්රතිඵල
බුලවායෝ හි පැවැති මෙම වර්ෂාවෙන් බාධා එල්ල වූ තරඟයේදී ඉන්දියාව ලකුණු 18ක තියුණු ජයක් වාර්තා කළේය. බංග්ලාදේශ කණ්ඩායම හඹා යෑමේදී වැඩි පාලනයක් නතු කරගෙන සිටියද, අවසන් පන්දුවාර 10 තුළ ඉන්දීය දඟපන්දු යවන්නන් හමුවේ ඔවුන්ගේ පිතිකරණ අංශය බිඳ වැටුණි.
ඉන්දීය පන්දු යවන විහාන් මල්හෝත්රා සිය පන්දුවාර 4 තුළ කඩුලු 4ක් දවා ගනිමින් තරඟයේ හැරවුම් ලක්ෂය සනිටුහන් කළ අතර ඉන්දියාවට ජයග්රහණය තහවුරු කර දුන්නේය.
තරඟය අවසානයේ බංග්ලාදේශ ක්රීඩකයින් සහ පුහුණුකරුවන් ඉන්දීය කණ්ඩායම සමඟ ඉතා සුහදව අතට අත දීම නිසා ඇති වීමට ගිය මතභේදය එතැනින්ම අවසන් විය.
