යොවුන් ලෝක කුසලාන එක්දින ක්රිකට් තරගාවලියේ ශ්රී ලංකා සහ අයර්ලන්ත තරගය අද (19 ) ශ්රී ලංකා වේලාවෙන් පස්වරු 01ට නැමීබියාවේ වින්ඩ්හොක් ක්රීඩාංගනයේ දී ආරම්භවීමට නියමිතව තිබේ.
ශ්රී ලංකා කණ්ඩායම විමත් දිනසර විසින් මෙහෙයවන අතර අයර්ලන්ත පිළ මෙහෙයවනු ලබන්නේ, ඔලිවර් රිලේ විසිනි.
ඒ කාණ්ඩය යටතේ පැවැත්වෙන මෙම තගරයේ දී කණ්ඩායම් දෙකෙන් වැඩි දක්ෂතා ප්රකට කර ඇත්තේ ශ්රී ලංකා 19න් පහළ කණ්ඩායමය.
ආසන්න දක්ෂතා – ශ්රී ලංකා කණ්ඩායම ආසන්න පසුගිය එක්දින තරග 05න් 3ක් ජයග්රහණය කර ඇති අතර අයර්ලන්තය ආසන්න පසුගිය එක් දින තරගය 05න් ජය ගෙන ඇත්තේ එක් තරගයක් පමණි.
එහෙත් ශ්රී ලංකාව ජයග්රහණය කර ඇත්තේ ඇෆ්ගනිස්ථානයට, නේපාලයට සහ ජපානයට එරෙහිව බව සිහි කළ යුතුය. ඔවුන් බංගලාදේශයටත්, ඉන්දියාවටත් ආසන්න තරග පහේ දි පරාජය වී ඇත.
අයර්ලන්තය ජයග්රහණය කර ඇත්තේ සිම්බාබ්වේට එරෙහිව එක් තරගයක් පමණි. ඔවුන් සිම්බාබ්වේ කණ්ඩායමටත් තරග දෙකක් පරාජය වී තිබේ. එංගලන්තයට සහ ඔස්ට්රේලියාවට එරෙහි ඔවුන් ලැබූ ආසන්න පරාජයන් ධරුණුය.
ශ්රි ලංකා කණ්ඩායම මෙම තරගයට සහභාගී වන්නේ ජපානය හා පැවති තරගයෙන් තරගාවලි වර්තා පිහිටුවා ජයග්රහණය කිරීමෙන් අනතුරුවය. ජපානය ක්රීඩාවට හුරු වෙමින් සිටින කණ්ඩාමක් වුවද මේ තරගයේ දී ගොඩනැගුන මානසික ශක්තිය ශ්රී ලංකා පිලට ඉදිරි තරග සඳහා යම් උත්තේජනයක් ඇති කරනු ඇතැයි බලාපොරොත්තු වේ.
අයර්ලන්තය අද ශ්රී ලංකාව හා තරග වදින්නේ ප්රබල ඔස්ට්රේලියානු කණ්ඩායම සමග පසුගිය සිකුරාදා (16) පැවති තරගයෙන් කඩුලු 08ක බිහිසුනු පරාජයක් සමගය. ඔවුන් තරගාවලියට නව ජවයකින් ප්රවේශවීමේ අවස්ථාවක් මේ තරගයෙන් සොයති.
