මෙරට විශ්වවිද්යාල පද්ධතිය තුළ සිටින්නේ සිටිය යුතු ආචාර්යවරුන්ගෙන් අඩකටත් අඩු පිරිසක් බව විශ්වවිද්යාලයීය ආචාර්යවරුන්ගේ සමිති සම්මේලනයේ සභාපති මහාචාර්ය බරණ ජයවර්ධන පවසන්නේය.
ඔහු පෙන්වා දෙන්නේ විශ්වවිද්යාල පද්ධතිය සුමට ලෙස පවත්වා ගැනීම සඳහා ආචාර්යවරු 11900ක් අවශ්ය නමුත් දැන් සේවයේ යෙදී සිටින්නේ 6000කට අඩු පිරිසක් බවය.
පසුගිය ජනවාරියේ දී ශ්රි ලංකා සරසවි පද්ධතිය තුළ සේවයේ යෙදුණු ආචාර්යවරුන්ගේ ගණන 6300ක් පමණක් බවත්, පසුගිය මාස හතරක කාලය තුළ තවත් ආචාර්ය මහාචාර්යවරු 500 -600 දෙනා රට හැර ගොස් ඇති බවත් මහාචාර්ය බරණ ජයවර්ධන කියන්නේය.
පද්ධතිය බිඳ නොවැටී පවත්වා ගැනීම සඳහා මේ වනවිට සේවයේ නියුතු ආචාර්යවරුන්ට දෙගුණයක ධාරිතාවෙන් වැඩ කරන්නට සිදුවී ඇති බව ද මහාචාර්යවරයා පෙන්වා දුන්නේය.
විශ්වවිද්යාල ආචාර්යවරු රට හැරයාය හේතුවෙන් මෙරට අධ්යාපන පද්ධතියට සිදුවන බලපෑම සම්බන්ධයෙන් මාධ්ය හමුවේ අදහස් දක්වමින් ඔහු මේ බව කීවේය.
ඔහු පෙන්වා දෙන්නේ මෙම බුද්ධි ගලනය හේතුවෙන් රජයේ මෙන්ම පුද්ගලික අංශයේ ද ශාස්ත්රීය අධ්යාපනය කඩාකප්පල් වනු ඇති බවය.
වෛද්යවරු රට හැර යෑමෙන් මේ වනවිට රෝහල් පද්ධතියට සිදුවී ඇති ව්යසනයට සමාන ව්යසනයක් විශ්විද්යාල ආචාර්යවරුන් රට හැර යෑමෙන් අධ්යාපන ක්ෂේත්රයට ඇති විය හැකි බව මහාචාර්යවරයා පෙන්වා දෙන්නේය.
ඔහු යෝජනා කරන්නේ විධිමත් වැඩපිළිවෙළක් මගින් මෙම බුද්ධි ගලනය පාලනය නොකළහොත් එය රටේ පැවැත්මට බිහිසුණු ලෙස බලපානු ඇති බවය.
