ආණ්ඩුව හෝ විපක්ෂය 113ක් එකතුකරගෙන හදාගන්නට ඉන්නා ආණ්ඩුවකින් අද මේ රටේ තියන ප්රශ්නය විසඳන්න හදනවා නම් එය මුලාවක් බව හිටපු අගමැති රනිල් වික්රමසිංහ අද (22) පාර්ලිමේන්තුවේ දී කීවේය.
“මම හිටියා මේ රටේ හයෙන් පහක් තිබුණ ඉතිහාසයේ බලවත්ම ආන්ඩුවෙ. මේ අභියෝගය ජයගන්න අඩුම ගානේ 175ක් 200ක් මේ දෙපැත්තෙන්ම සහයෝගය දෙන්න ඕන. එහෙමනම් අපිට සම්ප්රදායික දේශපාලන ක්රමයෙන් ටිකක් ඈත් වෙන්න වෙයි.“
මම යෝජනාවලියක් දීලා තියනව. අද 40 කණ්ඩායම එකක් දුන්නා. සජබෙන් දුන්නා 21 වැනි සංශෝධනය සම්බන්ධව. ජනාධිපතිතුමාගෙ කෙටුම්පත ලැබෙනවා. අපි ඔක්කොම බලමු. ඒත් අපි කොහොම ද මෙතන එකතු වෙන්නෙ කියන ප්රශ්නය එතනමයි.
200ක – 175ක් නැතිව 113කින් හදාගත්ත ආණ්ඩුවකින් මේ වැඩේ කරන්න ගිහින් මිනිස්සු අපිවත් මෙතනින් පන්නලා දායි.. අපිටත් ගෝල්ෆේස් ගිහින් කැම කන්න වෙයි. වෙන කන්න තැනක් නැතිවෙනවා…
මම හිතන්නෙ නෑ මේ සභාගර්භය තුළ අපිට වැඩක් කරන්න පුලුවන් කියලා. අපි මෙතන විරෝධතා දේශපාලනයක් එක්ක මාධ්යයට වැඩ කරන්නෙ. මෙතනින් පිට කොමිටි කාමරේට ගියා ට පස්සෙ අපට පුලුවන් හැම එක්කෙනාම එකට එකතුවෙලා වැඩක් සැලසුම් කරන්න. අපි භූමියේ යථාර්ථය අවබෝධ කරගන්නෙ නැති නම් අපට මේකට විසඳුමක් දෙන්න බෑ.
ආර්ථිකය ගැන වගේම ඉක්මන් දේශපාලනික විසඳුමකට එන්න වෙනවා.
