ශ්රියානි විජේසිංහ –
වකුගඩු සැත්කමකට ලක්වූ දරුවෙකු මියයෑමේ සිද්ධියක් සම්බන්ධයෙන් මේ වන විට පුළුල් පරික්ෂණයක් ආරම්භ කර ඇතැයි රිජ්වේ ආර්යා ළමා රෝහලේ අධ්යක්ෂ ජී. විජේසූරිය සඳහන් කරයි.
දරුවාගේ වකුගඩුවක් උත්පත්තියේ සිටම ගැටලුකාරී තත්ත්වයේ තිබූ බවත් එය සැත්කමකින් ඉවත් කිරීමට පෙර ශල්යාගාරය තුළට ස්කෑන් යන්ත්රය ගෙන්වා ස්කෑන් කළ බවත් අධ්යක්ෂවරයා පැවසුවේය.
අකර්මණ්ය වී තිබූ වකුගඩුවට විෂබීජ ඇතුළු වී වතුර පිරි විනාශකාරී තත්ත්වයට පත්ව තිබු බවද හෙතෙම පැවසුවේය.
මේ තත්තවය මත විශේෂඥ වෛද්යවරුන්ගේ මතය වූයේ මෙය වහාම ඉවත් කළ යුතු බවය. එය ඉවත් කර පරික්ෂා කිරීමේදී අනෙක් වකුගඩුවද එයට ඇලී තිබූ බව වෛද්යවරුන් හඳුනාගත් බව වෛද්ය විජේසූරිය සඳහන් කළේය.
මෙම දරුවාට වකුගඩුවක් බද්ධ කිරිම සඳහා අවශ්ය කටයුතු සැලසුම් කරද්දි ඊයේ දහවල් රෝහලේ දැඩි සත්කාර ඒකකයේ ප්රතිකාර ලබමින් සිටින විට මිය ගිය බව අධ්යක්ෂවරයා පැවසුවේය.
මෙම සැත්කම් සම්බන්ධයෙන් පුළුල් පරික්ෂණයක් මේ වන විට අරම්භ වී තිබේ. එම පරීක්ෂණ කමිටුවේ ප්රධානියා ලෙස කටයුතු කරන රෝහලේ නියෝජ්ය අධ්යක්ෂ විශේෂඥ වෛද්ය සන්තුෂ් සේනාපති සඳහන් කළේ මෙම සැත්කම කළ විශේෂඥ වෛද්යවරයා විදේශපුහුණුවක් සදහා ගොස් ඇති බැවින් සූම් තාක්ෂණය ඔස්සේ අවශ්ය කටඋත්තර ලබා ගැනීමට කටයුතු කරන බවය.
මෙහි වාර්තාව හැකි ඉක්මනින් සෞඛය අමාත්යංශයට ලබා දීමට කටයුතු කරන බවද සන්තුෂ් සේනාපති පැවසුවේය.
මිය ගිය දරුවාගේ දෙමාපියන් පවසා සිටින්නේ දරුවාගේ ඒක් වකුගඩුවක් ක්රියාත්මක වන්නේ සියය 9ක් බවත් එය ඉවත් නොකළහොත් සියයට 96ක් ක්රියාත්මක අනෙක් වකුගඩුවත් විනාශ විය හැකි බැවින් අකර්මන්ය වකුගඩුව ඉවත් කළ යුතු බව විශේෂඥ වෛද්යවරයා සදහන් කළ බවකි.
