පසුගිය පාර්ලිමේන්තුව නියෝජනය කළ හිටපු ජනාධිපතිවරුන් 4 ඇතුළු පාර්ලිමේන්තු නියෝජිතයින් 53ක් මෙවර ජනාධිපතිවරණයට තරග කරන්නේ නැත.
මහින්ද රාජපක්ෂ, මෛත්රීපාල සිරිසේන, රනිල් වික්රමසිංහ සහ ගෝඨාභය රාජපක්ෂ යන ජනාධිපතිවරුන් සිවු දෙනාම මෙවර මැතිවරණයට කිසිම දේශපාලන පක්ෂයකින් හෝ කිසිම පක්ෂයක ජාතික ලයිස්තුවෙන් හෝ ඉදිරිපත් නොවීම ශ්රි ලංකික දේශපාලන ඉතිහාසයේ විශේෂ අවස්ථාවක් ලෙස ඉතිහාස ගත වේ.
මේ සිවු දෙනා අතරින් මහින්ද රාජපක්ෂ, රනිල් වික්රමසිංහ සහ මෛත්රීපාල සිරිසේන යනු අඩසියවසක කාලයක් දේශපාලනය කරමින් අඩුම තරමින් දශක හතරකට වැඩි කාලයක් තිස්සේ පාර්ලිමේන්තුව නියෝජනය කළ පුද්ගලයින්ය.
පසුගිය මැතිවරණයෙන් පොදුජන පෙරමුණට තරග කර ජයග්රහණය ලද චමල් රාජපක්ෂ, නාලක ගොඩහේවා, බන්දුල ගුණවර්ධන, කණක හේරත්, සිසිර ජයකොඩි, ගීතා කුමාරසිංහ, වාසුදේව නානායක්කාර, අනුප පැස්කුවල්, කෙහෙළිය රඹුක්වැල්ල, ෂෙහාන් සේමසිංහ, ජෝන් සෙනවිතරත්න, විජේදාස රාජපක්ෂ, ලොහාන් රත්වත්ත, ජයන්ත සමවීර, ජනක බණ්ඩාර තෙන්නකෝන්, විමල් වීරවංශ, සහන් ප්රදීප් විතාන, ඩි.බී හේරත්, සීතා අරඹෙපොල, ගුණපාල රත්නසේකර, විමලවීර දිසානායක, ප්රසන්න රණතුංග, එස්.බී.දිසානායක, අකිල එල්ලාවල, සිරිපාල ගම්ලත්, ගෙවිඳු කුමාරතුංග, සුදර්ශන දෙණිපිටිය, සම්පත් අතුකොරල, විජිත බේරුගොඩ, ශාන් විජේලාල් ද සිල්වා, නාලක බණඩාර කෝට්ටෙගොඩ, සුදත් මංජුල මොහොමඩ් මුසාමිල්, ගයාෂාන් නවනන්ද, මේජර් ප්රදීප් උඳුගොඩ, ජගත් පුෂ්පකුමාර, එස්.වියාලේන්ද්රන්, මෙවර තරගවදින්නේ හෝ ජාතික ලයිස්තුවට ඇතුළත්ව නෑ.
සමගි ජන බලවේගයේ ප්රබලයින් වූ ෆීල්ඩ් මාෂල් සරත් ෆොන්සේකා, පාඨලී චම්පික රණවක, මයන්ත දිසානායක, ඒ.එච්.එම් ෆවුසි, ලක්ෂ්මන් කිරිඇල්ල සහ නිරෝෂන් පෙරේරා මෙවර කිසිම පක්ෂයක් නියෝජනය කරමින් හෝ ජාතික ලයිස්තුවෙන් මැතිවරණයට ඉදිරිපත් වී නැත.
විවිධ දේශපාලන පක්ෂවලට එක් වී අවසානයේ දී අපේ ජන බල පක්ෂයේ ජාතික ලයිස්තුවෙන් පාර්ලිමේන්තුවට පැමිණි අතුරලියේ රතන හිමියන් ද මෙවර මැතිවරණයෙන් විසිවී ගොස්ය.
පාර්ලිමේන්තුවේ ඡන්දයෙන් අන්තර්වාර ජනාධිපතිවරයා වු රනිල් වික්රමසිංහගේ පුරප්පාඩුවට පත් වී පැමිණි වජිර අබේවර්ධනත් මෙවර මැතිවරණ සටනේ ජාතික ලයිස්තුවකින් හෝ ඉදිරිපත් වී නැත
ඉලංකෙයි තමිල් අරසු කච්චි නියෝජනය කළ චාල්ස් නිර්මලනාදන් සහ එස්. ලෝගරාදලිංගම් ද මෙවර මැතිවරණයෙන් ඉවත්වීමට තීරණය කර තිබේ.
මුස්ලිම් කොංග්රසය නියෝජනය කරමින් තරග කර පාර්ලිමේන්තුවට පැමිණි අහමඩ් නසීර් සහ එච්එම්එස් හසීර් මෙවර මැතිවරණයෙන් සම්පූර්ණයෙන් ඉවත් වී සිටී.
තමිල් මක්කල් තේසිය කුට්ටනි පක්ෂයෙන් පාර්ලිමේන්තුවට පැමිණි අන්ත ජාතිවාදී නියෝජනයක් සහිත දේශපාලනයක් කළ සී.වී.විග්නේෂ්වරන් ද මෙවර මැතිවරණයට කිසිම ආකාරයකින් තරග කරන්නේ නැත.
