ශ්රියානි විජේසිංහ
සුළි කුණාටු තත්තවයේ සෘජු බලපෑම දිවයිනෙන් ඉවත් වුද එහි වක්ර බලපැම් තවදුරටත් පවතින බැවින් වඩාත් කල්පනාකාරි වන්නැයි කාලගුණ විද්යා දෙපාර්තමේන්තුවේ අධ්යක්ෂ ජනරාල් අතුල කරුණානායක මහතා සඳහන් කරයි.
ඒ හේතුවෙන් උතුර, උතුරු මැද, ඊසාන දිග සහ මධ්යම පළාතේ ඇතැම් ස්ථානවල මි.මී 100 ඉක්ම වූ වර්ෂාවක් ලැබිය හැකි බව ඔහු පෙන්වාදේ.
ඒත් සමඟම බස්නාහිර,සබරගමු පළාත්වලට මි.මී.50 ඉක්ම වූ වර්ෂාපතනයක් ලැබෙන අතර අනෙක්තු පළාත් වලද තැනින් තැන වැසි හෝ ගිගුරුම් සහිත වර්ෂාවක් ලැබිය හැකි බව ඔහු පෙන්වාදේ.
අධික වර්ෂාව අඩු වුවද ආපදා තත්තවය තවමත් පහව ගොස් නොමැත් බැවින් සිය නිවෙස් කරා යාමෙන් වලකින්නැයි සහන කඳවුරුවල සිටින ජනතාවගෙන් අධ්යක්ෂ ජනරාල්වරයා විශේෂ ඉල්ලීමක්ද කරයි.
සුළු කුණාටු තත්වයේ වක්ර බලපෑම තව දුරටත් පවතින බැවින් තද සුළං සමඟ මුහුද රළු විය හැකි බවද අවදාරණය කරයි.
මේ හේතුවෙන් ධීවර කටයුතු වල සහ නාවික කටයුතුවල නොයෙදෙන්නැයිද ඔහු අදාල පාර්ශ්වයන්ගෙන් ඉල්ලීමක් කරයි.
නොවැම්බර් 30 වනදා වන විට වක්රබලපෑම් තත්ත්වය දිවයිනෙන් බැහැර වනු ඇති බව ඉන් අනතුරුව සාමාන්ය කාලගුණ තත්ත්වයක් ඇතිවනු ඇති බවත් අධ්යක්ෂ ජනරාල්වරයා නිවේදනයක් නිකුත් කරමින් සදහන් කරයි.
