ශ්රී ලංකා නිදහස් පක්ෂයේ නව සභාපති විජයදාස රාජපක්ෂට පක්ෂයේ කටයුතු කිරීමට බාධා කිරීමෙන් වළකින ලෙස කඩුවෙල දිසා අධිකරණය අද පාර්ශව කීපයකට වාරණ නියෝගයක් නිකුත් කළේය.
එම වාරණ නියෝගයට අනුව ඊයේ දින ශ්රීලනිප මෛත්රීපාල සිරිසේන පාර්ශවය රැස්ව සිදුකළ පත්වීම්වලට අදාලව පක්ෂයේ වැඩ බලන මහලේකම් නීතිඥ කීර්ති උඩවත්තට සහ දේශපාලන මණ්ඩලයට ද සිය කටයුතු කරගෙන යෑමට බාධා කිරීම වළක්වා තිබේ.
ඉසුරු අබේවර්ධන සහ ඉසුරු විජයමුණි ද සොයිසා යන ශ්රි ලංකා නිදහස් පක්ෂයේ විධායක සභිකයින් දෙදෙනා පක්ෂයේ කාරක සභිකයින් ඇතුළු 20 දෙනෙකු නම් කර මෙම නඩුව ගොනු කර තිබිණි.
නඩුවට අදාලව ස්ථිර ඉන්ජක්ෂන් නියෝගය පිළිබඳව තීන්දුව ප්රකාශයට පත් කරන තෙක් මේ වාරණ නියෝගය නිකුත් කර ඇත
කෙසේ වෙතත් හිටපු ජනාධිපති චන්ද්රිකා බණ්ඩාරනායක කුමාරතුංග විසින් ගොනුකළ ඉල්ලීමක් සලකා බලමින් කොළඹ දිසා අධිකරණය මේ වනවිට මෛත්රීපාල සිරිසේන වෙත ශ්රී ලංකා නිදහස් පක්ෂයේ සභාපති ලෙස කටයුතු කිරීම වළක්වමින් වාරණ නියෝගයක් ගොනු කර ඇත.
ඉන් පසුව ඊයේ රැස්වුන ශ්රිලනිප මෛත්රීපාල සිරිසේන පාර්ශවය නව නිලධාරී මණ්ඩලයක් පත් කරගත් අතර එහිදී වාරණ නියෝගය පැනවී ඇති පක්ෂ සභාපතිකමින් මෛත්රීපාල සිරිසේන ඉල්ලා අස් වී වාරණ නියෝග පැනවී තිබුණු වැඩ බලන සභාපති ලෙස කටයුතු කළ විජේදාස රාජපක්ෂ පක්ෂ ස්ථිර සභාපති ලෙස පත් කරගනු ලැබුවේය.
කෙසේ වෙතතත් මේ වනවිට ඩාලි පාර ශ්රි ලංකා නිදහස් පක්ෂ මූලස්ථානයේ යතුර ඇත්තේ චන්ද්රිකා බණඩාරනායකගේ ආශීර්වාදය සහිත නිමල් සිරිපාල ද සිල්වා පාර්ශවය ලඟය.
