විදේශ රටවල් 53ක අවසානාත්මක නඩු තීන්දු අන්නෝන්යව පිළිගෙන ශ්රී ලංකාවේ අධිකරණ පද්ධතිය හරහා බලාත්මක කිරීමේ පනත පාර්ලිමේන්තුව තුළ සම්මත් වීමෙන් පසු ක්රියාත්මකවන බව අධිකරණ හා ජාතික ඒකාබද්ධතා අමාත්ය හර්ෂණ නානායක්කාර අද (17) පාර්ලිමේන්තුවේ දී පැවසුවේය.
විදේශ නඩු තීන්දු අනෝන්යව පිළිගැනීම ලියාපදිංචි කිරීම සහ බලාත්මක කිරීම පිළිබඳ පනත යටතේ ඇති අදාල නියමයන් 2024 අංක 49 දරන විදේශ නඩු තීන්දු අනෝන්යව පිළිගැනීම ලියාපදිංචි කිරීම සහ බලාත්මක කිරීම පිළිබඳ පනතේ 1.1 වගන්තිය යටතේ සහ 1.2 වගන්තිය යටතේ අධිකරණ හා ජාතික ඒකාබද්ධතා අමාත්යවරයා විසින් පනවන ලදුව 2025 මාර්තු 28 දිනැති අංක 2429/51 දරන අති විශේෂ ගැසට් පත්රයේ පලකරනු ලැබ 2025.06.03 දින ඉදිරිපත් කරන ලදී.
නමුත් එම නියමන් කියාත්මක කිරීම සඳහා නිශ්චිත රටවල් නම් කර නොතිබුණ බැවින් පනත ක්රියාත්මක කිරීමට නොහැකි වූයේය. අද ගැසට් මගින් ඉදිරිපත් කළ එම රටවල් 53 ඇමතිවරයා පාර්ලිමේන්තුවට ඉදිරිපත් කළේය.
ඒ අනුව ණය ගැතියන් හා ණය හිමියන් අතර විදේශ රටකදී සිදුවූ ආරවුලක් පිළිබඳ අවසානාත්මක තීන්දුවක් ලැබී ඇතිනම්, විදේශ රටක දී දික්කාසදය පිළිබඳ නඩු තීන්දුවක් ලැබී ඇතිනම් එම නඩු තීන්දු ශ්රී ලංකාවේ අධිකරණයෙහි බළාත්මක කිරීමට නෛතික හැකියාව ලැබෙනු ඇත.
මේ බලාත්මක කිරීම් කොන්දේසි රැසකට යටත් කර ඇති බවත්, ණය ගැතියන් හා ණය හිමියන් සම්බන්ධ අවසානාත්මක නඩු තීන්දු සහ දික්කසාදය සම්බන්ධ නඩු තීන්දු පමණක් මේ යටතේ බලාත්මක වන බව ඇමතිවරයා ප්රකාශ කළේය.
