සංවිධානාත්මක අපරාධකරුවන් සහ මූල්ය වංචාවන්ට සම්බන්ධ පුද්ගලයින් 88 දෙනෙකුගේ වත්කම් තහනම් කර ඇතැයි පොලිසියි පවසයි. ඒ අතර සංවිධාන්තමක අපාධකරුවන් සහ මත්ද්රව්ය ජාවාරම් සම්බන්ධ චෝදනා ලැබූ 26 දෙනෙක් වන බව විමර්ශන අංශ කියයි.
සෙසු පුද්ගලයින්ගේ වත්කම් තහනම් කර ඇත්තේ මුදල් විශුද්ධිකරණය යටතේ ගැනෙන චෝදනා හේතුවෙනි. ඉඩම්, නිවාස, වාහන, ස්වර්ණාබරණ, ව්යාපාරික ස්ථාන මෙන්ම ඉඩම් තහනම් කළ දේපල ඇතුළට අයත් වී තිබේ. තහනම් කර ඇති වත්කම්වල සමස්ථ වටිනාකම රුපියල් බිලියන 4 ඉක්මවා යන බව ද පොලිස් ආරංචි මාර්ග අනාවරණය කරයි.
මේ අතර ජයසිංහ ආරච්චිගේ හේමන්ත නොහොත් බතල හීන්මහත්තයා නැමැති මත්ද්රව්ය ජාවාරම්කරුගේ බිරියට අයත් කෝටි 03කට අධික වටිනාකමක් සහිත දේපල තහනම් කිරීමට නීති විරෝධී වත්කම් විමර්ශන කොට්ඨාසය විසින් මේ වනවිට අධිකරණ නියෝග ලබාගෙන ඇත.
දැනට ලබන 26 දා තෙක් රක්ෂිත බන්ධනාගාරගතව සිටින බතල හීන්මහත්තයා ඇඹිලිපිටිය ප්රදේශය මුල් කරගෙන මහා පරිමාණ ගංජා ජාවාරම් කරන පුද්ගලයෙක් බවට අනාවරණය වී තිබිණි. මෙම පුද්ගලයාගේ දේපල සම්බන්ධව විමර්ශනයක් කළ නීති විරෝධී පත්කම් විමර්ශන කොට්ඨාසය විසින් මීට පෙර ඔහුට අයත් රුපියල් කෝටි 10ක දේපල ප්රමාණයක් තහනම් කර තිබිණි.
