ඊයේ 71 වැනි ශ්රී ලංකා නිදහස් පක්ෂ ජාතික සමුලුවේ දී සම්මත කරගත් නව ව්යවස්ථාව හේතුවෙන් පක්ෂය දෙකඩවීමේ අවදානමක් මතු වී ඇති බව අභ්යන්තර ආරංචි මාර්ග කියයි.
මෙම ව්යවස්ථාව මගින් පක්ෂයේ ප්රජාතන්ත්රවාදය අහෝසි වී ඇතැයි යන පදනම මත ශ්රී ලංකා නිදහස් පක්ෂ කණ්ඩායමක දැඩි විරෝධය මතු වී තිබේ. එම විරෝධය දක්වන්නේ පක්ෂයේ එකඟතා කඩ කර ඇමති ධූර ලබා ගත් නිමල් සිරිපාල ද සිල්වා සහ මහින්ද අමරවීර ඇතුළු රනිල් වික්රමසිංහ ජනාධිපතිවරයාට පාර්ලිමේන්තු මැතිවරණයේ දී ඡන්දය ලබා දුන් කණ්ඩායම බව වාර්තා වේ.
අද (03) මහින්ද අමරවීර ඇමතිවරයා මාධ්ය හමුවේ ප්රකාශ කළේ මේ ව්යවස්ථා සංශෝධනයෙන් සිදුවූයේ පක්ෂයේ බලය පුද්ගලයෙක් හෝ කීපදෙනෙක් අත කේන්ද්රගත වීම බවය.
බණ්ඩාරනායක මහතා පිහිවූ ශ්රී ලංකා නිදහස් පක්ෂයේ ප්රජාතන්ත්රවාදී ලක්ෂණ ගණනාවක් තිබුණු බව කී අමරවීර ඒ නිසා බොහෝ දෙනෙකුට එකඟවිය හැකි තැන් පැවති බව පෙන්වා දුන්නේය.
පක්ෂය් නව ව්යවස්ථා සංශෝධනය තුළ සිදුවනු ඇත්තේ ශ්රී ලංකා නිදහස් පක්ෂය කීප දෙනෙකුට සීමා වූ බෝඩ් ලෑලි පක්ෂයක් වීම පමණක් බව ද ඔහු කීවේය.
කෙසේ වෙත්ත ඊයේ මහරගම දී පැවති ශ්රී ලංකා නිදහස් පක්ෂ 71 වැනි සමුලුව අමතමින් නිමල් සිරිපාල ද සිල්වා හා මහින්ද අමරවීර ඇතුළ පිරිස ඉදිරියේ තබාගෙන ශ්රී ලංකා නිදහස් පක්ෂයේ නායක මෛත්රීපාල සිරිසේන කීවේ පක්ෂයේ විනය පක්ෂයේ ජ්යෙෂ්ඨයින්ම කඩ කළ කණගාටු දායක ආකාරය ගැනය.
පක්ෂයක් ලෙස මධ්යම කාරක සභාව විසින් ඉදිරිපත් කළ සර්ව පාක්ෂික ආණ්ඩුවක් පිහිටුවන්නේ නැති අවස්ථාවක පක්ෂයේ එකඟතාවය වූයේ නව ආණ්ඩුවේ අමාත්ය ධූර භාර නොගැනීම බවත් එසේ තිබිය දී පක්ෂයේම ජ්යෙෂ්ඨ සාමාජිකයින් පිරිසක් මධ්යම කාරක සභාවේ සම්මුතීන් නොසලකා ඇමති ධූර භාරගෙන මාධ්ය හමුවේ කළ ප්රකාශ සියලු දෙනා දුටු බවත්ය.
දේශපාලන පක්ෂයකට මෙවැනි ගමනක් යා නොහැකි බව කී සභාපතිවරයා විනය මුල් කරගත් දේශපාලනයක් පක්ෂය තුළ තිබිය යුතු බව පැවසුවේය. නව ව්යවස්ථා සංශෝධනය රැගෙන එන්නේ ඒ නිසා බව කී සභාපති මෛත්රීපාල සිරිසෙන පක්ෂයේ මධ්යම කාරක සභාව ගත් තීරණයට පිටුපා පක්ෂය ව්යසනයට ලක් කළ සියලු දෙනා විෂයෙහි විනයානුකූළ ක්රියාමාර්ග ගැනීම අනිවාර්ය බව ද පැවසුවේය.
