හිටපු අමාත්ය ශෂීන්ද්ර රාජපක්ෂ සැප්තැම්බර් 30 වැනිදා දක්වා යළි රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් අසංක එස් බෝදරගම අද නියෝග කළේය.
සෙවනගල පිහිටි ශ්රී ලංකා මහවැලි අධිකාරියට අයත් ඉඩමක අනවසරයෙන් ඉදි කර තිබූ ගොඩනැගිල්ලක් ඇතුළු දේපල ඉකුත් අරගල සමයේ විනාශ වීමෙන් අනතුරුව හානි පූර්ණ කාර්යාලයේ නිලධාරීන්ට බලපෑම් කරමින් රුපියල් 88 ලක්ෂ පනස් පන් දහසක වන්දි ලබා ගැනීම පිළිබඳව පොදු දේපල පනත යටතේ ගැනෙන චෝදනා මත ශෂීන්ද්ර රාජපක්ෂ අත් අඩංගුවට ගෙන තිබිණි.
ශෂීන්ද්ර රාජපක්ෂගේ ඇප නියෝගය ප්රකාශ කිරීමට නියමිතව තිබුණේ අදය.
එය ප්රකාශයට පත් කරමින් ප්රධාන මහේස්ත්රාත්වරයා කියා සිටියේ ඇප දීමට ප්රමාණවත් අයුරින් කිසිම කරුණක් තෘප්ත වී නොමැති බවය. ඒ අනුව සැකකරු යළි රක්ෂිත බන්ධනාගාරගත කිරීමට අධිකරණය නියෝග කළේය.
සැකකරු වෙනුවෙන් පෙනී සිටියේ ජනාධිපති නීතිඥ අනුජ ප්රේමරත්නය. ඔහු අධිකරණයට කරුනු දක්වමින් ප්රකාශ කළේ තම සේවාදායකයා අසනීප තත්ත්වයෙන් පසුවන බවය.
කරුණු සලකා බැලූ ප්රධාන මහේස්ත්රාත්වරයා සැකකරුට ප්රතිකාර ලබා දීමට පියවර ගන්නා ලෙස බන්ධනාගාර අධිකාරීවරයාට නියෝග කළේය.
