ලලිත් චාමින්ද –
ගාල්ල කරාපිටිය ශික්ෂණ රෝහලේ පිලිකා රෝග පිළිබද විශේෂඥ ශල්ය වෛද්ය ක්රිෂාන්ත පෙරේරා ට පහරදිම සම්බන්දයෙන් අත් අඩංගුවට ගත් කරාපිටිය ශික්ෂණ රෝහලේ කණිෂ්ඨකාර්ය මණ්ඩලයේ සේවකයින් තිදෙනා එළඹෙන 29 වනදා දක්වා රිමාන්ඩ් බන්ධනාගාරගතකර තිබේ.
සැකරුවන් සහ සැකකාරිය ගාල්ල මහෙස්ත්රාත් අධිකරණය වෙත ඉදිරිපත් කිරීමෙන් අනතුරුව මෙම නියෝගය ලබාදී ඇත.මෙලෙස අත්අඩංගුවට ගෙන ඇත්තේ, 52 හැවිරිදි සෞඛ්ය කාර්ය සහායිකාවක් සහ 45 හැවිරිදි හා 43 හැවිරිදි කාර්ය සහායකයන් දෙදෙනෙකි.
මින් කණිෂ්ඨ කාර්යමණ්ඩලයේ සේවකයින් දෙදෙනෙකු ඊයේ (20) රාත්රි අත්අඩංගුවට ගෙන ඇති අතර අනික් කණිෂ්ඨ කාර්යමණ්ඩල සේවිකාව අද (21) උදෑසන අත්අඩංගුවට ගත්බැව් පොලිසිය පවසයි. විශේෂඥ ශල්ය වෛද්යවරයාට පහරදුන් බවට ලැබි ඇති සාක්ෂි අනුව අනාවරණය වු තොරතුරු අනුව මොවුන් ගාල්ල පොලිසිය විසින් අත් අඩංගුවට ගෙන අද අධිකරණයට ඉදිරිපත් කර තිබිණි.
සෞඛ්ය කාර්ය මණ්ඩල සේවිකාවකට පහර දුන් බව කි විශේෂඥ වෛද්යවරයා පොලිසිය විසින් අත් අඩංගුවට ගෙන අධිකරණයට ඉදිරිපත් කිරීමෙන් අනතුරුව රිමාන්ඩ් බන්ධනාගාරගත කළ ද කණිෂ්ඨ සේවකයින් තිදෙනෙක් තමන්ට පහර දුන් බවට වෛද්යවරයා විසින් කළ පැමිණිල්ල පොලිසිය විසින් නොසලකා හැර ඇති බවට චෝදනා එල්ල වි තිබිණි.
ඒ නීතිය නිසි ලෙස ඉටු නොකරන්නේ නම් බරපතල ප්රතිවිපාකවලට මුහුණ දීමට සිදුවනු ඇති බවට විශේෂඥ වෛද්යවරු සහ වෛද්යවරු දැඩි අනතුරු ඇඟවීමක් සිදුකළ පසු මෙම සුළු සේවයකින් තිදෙනා අත් අඩංගුවට ගැනීමට පොලිසිය කටයුතු කර තිබිණි.
ය.
