පවතින දැඩි වියළි කාලගුණික තත්ත්වයත් සමඟ ලබුගම සහ කලටුවාව ජලාශවල ජල මට්ටම ශීඝ්රයෙන් පහළ යාම හේතුවෙන්, අද (08) දිනයේදීත් ප්රදේශ කිහිපයකට පැය 12ක කාලයක් ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය නිවේදනය කරයි.
ඒ අනුව, ලබුගම සහ කලටුවාව ජල පිරිපහදු මධ්යස්ථාන මඟින් ජලය සපයනු ලබන ප්රදේශ කිහිපයකට අද පෙරවරු 8.00 සිට පස්වරු 8.00 දක්වා මෙම ජල කප්පාදුව ක්රියාත්මක වේ.
අද (08) දහවල් ජල කප්පාදුව ක්රියාත්මක වන ප්රදේශ:
- පාදුක්ක, මීපේ, මාවතගම සහ පින්නවල
- ගලගෙදර, ඉරිදා පොළ සහ වේවැල්පනාව
- පිටුම්පෙ, උඩුමුල්ල, අරුක්වත්ත සහ වේරගල
- බෝපේ, මලගල, කහවල, මිල්ලව සහ කොටියන්ගොඩ (කොටිගන්ගොඩ)
- පෝරෙගෙදර, අංගම්පිටිය, අංගම්මන, මීරියගල්ල සහ යටවතුර
ඊයේ රාත්රියේ ද ජල කප්පාදුවක්
ජල සම්පාදන මණ්ඩලය වැඩිදුරටත් සඳහන් කළේ, මෙම ජල සීමා කිරීම්වල පළමු අදියර යටතේ ඊයේ (07) රාත්රී 8.00 සිට අද (08) උදෑසන 8.00 දක්වා ද ප්රදේශ කිහිපයකට ජල සැපයුම අත්හිටුවීමට පියවර ගත් බවයි.
ඒ අනුව පැලැන්වත්ත, සිද්ධමුල්ල, ඇරැව්වල, නිවන්තිඩිය, බෝකුන්දර පාර, රත්මල්දෙණිය, මහරගම – පිළියන්දල පාර, මොරකැටිය පාර, හිරිපිටිය, ගොරකපිටිය පාර, නියඳගල පාර, දොලේකඩේ හංදිය, කුඩාමාදුව සහ පුබුදු මාවත (255 බස් මාර්ගයේ වෙල දක්වා) යන ප්රදේශවලට එම කාලය තුළ ජල සැපයුම අත්හිටුවා තිබිණි.
පවතින වියළි කාලගුණය හමුවේ සීමිත ජල සම්පත ඉතා අරපිරිමැස්මෙන් භාවිත කරන ලෙස ජාතික ජල සම්පාදන හා ජලාපවහන මණ්ඩලය ජනතාවගෙන් කාරුණිකව ඉල්ලා සිටියි.
