ශ්රියානි විජේසිංහ –
විශේෂඥ වෛද්යවරුන්ගේ හිඟයට විසඳුමක් ලෙස විදේශීය වෛද්යවරුන් ගෙන්වා ගැනීමට රජයේ අවධානය යොමුව ඇතැයි කීවත් අපේ රටේ විශේෂඥ වෛද්යවරයෙකුගේ මූලික වැටුප වූ රුපියල් අසූ දහසක මුදල සාධනීය ලෙස වැඩිකරගැනීමට නොහැකි වූ ආණ්ඩුව විදේශ රටවල විශේෂඥ වෛද්යවරුන් ගෙන්වන්නේත් රුපියල් අසූ දහසක පඩියට දැයි රජයේ වෛද්ය නිලධාරීන්ගේ සංගමයේ ලේකම් හරිත අලුත් ගේ ප්රශ්න කරයි.
“සුදුසුකම් ලත් විදේශීය විශේෂඥ වෛද්යවරයෙක් ගෙන එන්න නම් ඔහුට රුපියල් මිලියන 3, 4ක් ලබා දිය යුතුයි. මේ මුදල් කළමනාකරණය කර රට හැර යන විශේෂඥ වෛද්යවරුන් රටෙහි රඳවා ගන්න විසඳුමක් හොයන්නේ නැතිව කරන මේ බොරුව කවුරු රවටන්න ද?” ලේකම්වරයා විමසා සිටියි.
රජයෙ ගෙන යන මෙම බොරුවට නිසි උත්තරයක් ලබා දීමට ප්රමාද නොවී කටයුතු කිරීමට රජයේ වෛද්ය නිලධාරීන්ගේ සංගමයේ මධ්යම කාරක සභාව තීරණය කර ඇති බවත් ඔහු කීවේය.
