මීගමුව කොළඹ ප්රධාන මාර්ගයේ මීගමුවේ සිට පෑලියගොඩ දක්වා රාත්රි කාලයේ දී වීදි ලාම්පු නිසි පරිදි ක්රියාත්මක නොවීමත් ඇතැම් ප්රධාන මංසන්ධිවල පවා අලෝක කරණය නිසි පරිදි සිදු නොවීමත් හේතුවෙන් රිය ධාවනයේ දී බරපතල දුෂ්කරතා මතුව ඇති බව වාර්තා වේ.
මේ තත්ත්වය තුළ රිය අනතුරු අවදානම ඉතා ඉහළ මට්ටමක පවතින බව ද මේ සම්බන්ධව පොලිසිය සහ අදාල අංශ දැනුම්වත් කළ ද මෙතෙක් පියවරක් ගෙන නොමැති ආකාරය පෙනී ගොස් ඇත.
රිය අනතුරු අවම කිරීම සහ ඉන් ඇතිවන ජීවිත හානිය අවම කිරීම සඳහා රජය ඵලදායී උත්සාහයක් දරන්නේ නම් මාරක රියදුරන් සම්බන්ධව දරන උනන්දුවම රටේ ප්රධාන මාර්ග පද්ධතියේ ප්රමිතිය පවත්වා ගැනීම ද වැදගත් බව රිය අනතුරු සම්බබන්ධව විද්යාත්මක පර්යේෂණ සිදුකරන විද්වත් ප්රජාව පෙන්වා දෙති.
