කුමාර දෙණිපිටියගේ –
වැලිගම ප්රාදේශීය සභාවේ ජාතික ජනබලවෙිගයේ මන්ත්රී නීතිඥ තාරක නානායක්කාර මහතාගේ නිවසට වෙඩි තැබීම සම්බන්ධයෙන් සැකකරුවන් ප්රවාහනයට යොදාගත් බව කියන මෝටර් රථයක් සමඟ පුද්ගලයෙකු මාතර ප්රදේශයේදී අත්අඩංගුවට ගත් බව පොලිස් මාධ්ය කොට්ඨාසය පවසයි.
ජාතික ජන බලවේගයේ වැලිගම ප්රාදේශීය සභා මන්ත්රී නීතිඥ තාරක නානායක්කාර ගේ වැලිගම උඩුකාව ප්රදේශයේ නිවසට ඉකුත් 16 දින උදෑසන 4;40 පමණ වෙඩි ප්රහාර කීපයක් එල්ල කොට සැකකරුවන් පලා ගොස් තිබිණි.
එම වෙඩි තැබීමෙන් අදාළ මන්ත්රීවරයාට හෝ වෙනත් කිසිවෙකුට හානියක් සිදුවී තිබුණේ නැත.
යතුරුපැදියකින් පැමිණි බව කියන සැකකරුවන් මිලිමීටර් 9 වර්ගයේ ගිනි අවියකින් වෙඩි තබා තිබූ අතර එහිදී එම අවස්ථාවේදී ඔහුගේ ආරක්ෂාවට නිවසේ සිටි පොලිස් නිලධාරීන් විසින් ටි 56 වර්ගයේ ගිනි අවි වලින් සැකකරුවන් වෙත වෙඩි තබා තිබූ අතර එහිදී සැකකරුවන් පළා ගොස් තිබිණි.
මන්ත්රීවරයාට වෙඩි තැබීම සම්බන්ධයෙන් විමර්ශන කටයුතු සඳහා පොලිස් කණ්ඩායම් හතරක් යොදවා තිබිණි.
ඒ අනුව සිදුකළ විමර්ශන මත වෙඩි තැබීම සම්බන්ධයෙන් සැකකරුවන් ප්රවාහනයට යොදාගත් බව කියන මෝටර් රථයක් සමග
එක් සැකකරුවෙකු 27 රාත්රි මාතර ප්රදේශයේදී අත්අඩංගුවට ගැනීමට මාතර කොට්ඨාසය අපරාධ විමර්ශන ඒකකය සමත්ව තිබේ.
අත්අඩංගුවට ගෙන ඇති සැකකරු වයස 33 පමණ වන කැලණිය ප්රදේශයේ පදිංචිකරුවකු බව පොලිසියේ සඳහන් කරයි.
වැලිගම ප්රාදේශීය සභාවේ සභාපති සභාපති ලසන්ත වික්රමසේකර එම ධූරයට තේරී පත් වීමට පෙර ඔහුග් මෙහෙයවීමෙන් මෙම අපරාධය සිදුවී ඇති බවට චෝදනා එල්ල වූයේය. ලසන්ත වික්රමසේකර යනු වැලිගම ලසා ලෙස හැඳින්වෙන පාතාල අපරාධ හා සම්බන්ධ චෝදනා මත බන්ධනාගාරගත වී සිටි, දැනට මුදල් වංචාවක් සහ තවත් නඩු කීපයක් වෙනුවෙන් ඇප මත සිටින පුද්ගලයෙක් වීම මෙම චෝදනා ගොඩ නැගෙන්නට හේතු වූයේය.
කෙසේ වෙතත් මාලිමා මන්ත්රි නීතිඥ තාරක නානායක්කාර සහ වැලිගම ලසා අතර ඇති වූ සංවාදයක් ප්රචාරණය කරමින් සමගි ජන බලවේගය ඇතුළු ඒකාබද්ධ විපක්ෂය චෝදනා කළේ මෙම වෙඩි තැබීම මාලිමා ආණ්ඩුවේ පහත් පෙළේ රංගනයක් බවය.
වැඩිදුර විමර්ශන කටයුතු මාතර කොට්ටාශ අපරාධ විමර්ශන ඒකකය මෙහෙයවයි.
