මනම්පිටිය නිමල් ජයරත්න –
පොළොන්නරුව වැලිකන්ද ප්රදේශය භාර නව සහකාර පොලිස් අධිකාරියවරයා ලෙස එම්.එස්.එම්, ජරූල් අද (02 ) මනම්පිටියේ සහකාර පොලිස් අධිකාරී කාර්යාලයේදී සුභ මොහොතින් වැඩ භාර ගත්තේය.
ඓතිහාසික දිඹුලාගල ආරණ්ය සේනාසනාධිපති දිඹුලාගල රාහුලාලංකාර, උතුරු මැද සංඝනායක කදුරුවෙල ජයන්ති විහාරාධිපති කදුරුවෙල ධම්මපාල, මාගන්තොට ශ්රී සීලාලංකාර බෞද්ධ මධ්යස්ථානාධිපති අත්තනකවල ජනතාලංකාර, සීලපුර ශ්රී සුවිශුද්ධාරාමාධිපති අලුත්වැව සේනාලංකාර යන නාහිමිවරුන්ගේ ආශිර්වාද මධ්යයේ ජරූල් මහතා වැඩ ආරම්භ කළේය.
වැලිකන්ද ප්රදේශය භාර සහකාර පොලිස් අධිකාරිවරයා ලෙස වැඩ භාරගත් ජරූල් මහතා කලක් වැලිකන්ද පොලිස් ස්ථානාධිපති වශයෙන්ද, පසුව පොළොන්නරුව මූලස්ථාන පොලිස් පරීක්ෂක ලෙසද, කටයුතු කිරීමෙන් අනතුරුව යාපනය ප්රදේශය භාර සහකාර පොලිස් අධිකාරිවරයා ලෙස කටයුතු කර තිබේ.
ජරූල් මහතා ප්රදේශයේ රාජකාරී කටයුතු කරන කාලයේදී ජාතික ආරක්ෂාව, සාමය, ජාතීන් අතර සංහිඳියාව, ඇති කිරීමට ඉමහත් කාර්ය භාරයක් ඉටු කරපු සහකාර පොලිස් අධිකාරීවරයෙකු බවත්, පොලිස් නීතිය අනුව සහ ප්රායෝගිකව සමාජයේ වැඩ කිරීමට ජරූල් මහතාට මනා පලපුරුද්දක් ඇති, ජ්යෙෂ්ඨ පොලිස් නිලධාරියෙක් බවද මෙහිදී අනුශාසනාව සිදුකරමින් දිඹුලාගල ආරණ්ය සේනාසනාධිපති දිඹුලාගල රාහුලාලංකාර නාහිමියෝ සහ කදුරුවෙල ජයන්ති විහාරාධිපති කදුරුවෙල ධම්මපාල නාහිමියෝ සඳහන් කළහ.
