වැලන්ටයින් දිනය සමරන්න ස්විස්ටර් ලන්තයේ සිට යාපනයට පැමිණ පෙම්වතිය සමග පෙමින් වෙළී සිටිද්දී යුවල පෙම්වතියගේ සැමියාට අහුවෙලා… සැමියාගෙන් ගුටි කා පෙම්වතා රෝහලේ!

දිනසේන රතුගමගේ –

වැලන්ටයින් දිනය සැමරීම සදහා ස්විස්ටර්ලන්තයේ සිට සිය පෙම්වතිය සොයා යාපනයට පැමිණි ස්විස්ටර්ලන්ත පෙම්වතෙකුට පෙම්වතියගේ ස්වාමිපුරුෂයා විසින් පහර දී ඔහු සතුව තිබූ සියළු දේ කොල්ල කා තිබේ. තුවාල ලබා ඇති ස්විස්ටර්ලන්ත ජාතිකයා යාපනයේ පෞද්ගලික රෝහලකට ඇතුළත් කොට තිබේ.

මේ සිදුවීම වාර්තා වන්නේ ඊයේ (15) ය.

වාර්තාවවන පරිදි සිද්ධිය මෙසේය.

ඔහු තරුණයෙකි. ස්විස්ටර්ලන්තයේ උපත ලබා එහි පුරවැසිභාවය හිමි කරගෙන ඇති මෙම තරුණයාගේ සියළු ඥාතීන් ඉන්නේ  යාපනයේ ය. මේ තරුණයා    සමාජ මාධ්‍ය හරහා යාපනයේ කාන්තාවකට පෙම්කොට ඇත. තමන් පෙම් කරන්නේ    විවාහක කාන්තාවකට බව ඔහු   දැන සිට නොමැත.

මෙවර වැලන්ටයින් දිනයට  ස්විස්ටර්ලන්තයේ සිට යාපනයට පැමිණීමට තමන් කැමති බව ස්විස්ටර්ලන්ත පෙම්වතා ප්‍රකාශ කළ  අවස්ථාවේදී යාපනයේ කාන්තාව ඊට කමැත්තද පලකොට තිබේ.

දෙදෙනා අතර හුවමාරු වූ මේ පෙම් පලහිලව්ව ගැන කාන්තාවගේ  ස්වාමියාට තොරතුරු ලැබී තිබිණි.    ඒ සෑම පණිවුඩයක්ම රහසිගතව  ලබා ගත් ස්වාමිපුරුෂයා ඒවා ඔහු ළග සුරක්ෂිත කොට තබාගෙන ඇත.

එම ස්වාමි පුරුෂයාගේ රැකියාව  ඔහුගේම   වෑන් රථයක් කුළී පදනම මත හයර් කිරීමය. ස්විස්ටර්ලන්තයේ සිට යාපනයේ ඥාතී නිවසකට පැමිණි මෙම තරුණයා වැලන්ටයින් දිනයේදී සිය පෙම්වතියගේ නිවසටද පැමිණ තිබේ.

මේ දෙදෙනා පෙමින් වෙළෙන්නට ගිය  අවස්ථාවේදී ස්වාමි පුරුෂයා නිවසට පැමිණ ඇත. ඔහු ස්විස්ටර්ලන්ත තරුණයාව නිවසින් එළියට ගෙන වෑන් රථයේ දමා රැගෙන ගොස්   සිය මිතුරන් සමග එකතු වී ඔහුට පහර දී ඔහු සතුව තිබූ සියලු දේ කොල්ල කා ඇත.

ස්විස්ටර්ලන්ත තරුණයාගේ යාපනයේ සිටින ඥාතී කාන්තාවක් මේ සම්බන්ධයෙන් යාපනය පොලීසියට පමිණිලි කිරීමෙන් පසුව පොලීසිය සිද්ධිය සම්බන්ධයෙන් පරීක්ෂණ ආරම්භ කොට තිබේ.