ලලිත් චාමින්ද-
දුම්රිය විදුලි සංදේශ පද්ධති වැඩිදියුණු කිරිමේ ව්යාපෘතිය යටතේ නවීන දුම්රිය සන්නිවේදන පද්ධතිය සඳහා රුපියල් මිලියන 1,901 ක මුදලක් වැයකර ඇතත් ව්යාපෘතියේ ප්රායෝගික භාවිතය අසාර්ථක වීම හා අරමුණු ඉටුනොවීම හේතුවෙන් වැයකළ මුදල් පල රහිත වි ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
දුම්රිය එන්ජින්වල සංනිවේදන උපකරණ සවිකිරීම සඳහා රුපියල් මිලියන 274ක මුදලක් වැයකොට ඇතත් මෙම උපකරණ භාවිතා කරමින් දුම්රිය රියදුරන් පද්ධතියට ප්රවේශ නොවන බව විගණන වාර්තාවේ සඳහන් වේ.
මෙම ව්යාපෘතිය යටතේ මෙහෙයුම් රාජකාරිවල නිරත වු නිලධාරීන්ට ජංගම දුරකථන ලබාදීම සඳහා රුපියල් මිලියන 132ක මුදලක් වැයකොට තිබුණි. එහෙත් රාජකාරි කටයුතු සඳහා මෙම උපකරණ භාවිතා නොකිරීම නිසා උපකරණවල ක්රියාකාරී භාවිතය අවම මට්ටමක පැවතුණි.
දුම්රිය මෙහෙයුම් මධ්යස්ථාන සදහා රුපියල් 61,457,916 වැයකොට සපයනු ලැබු පද්ධති නිරික්ෂණ උපකරණ හා හඬ පටිගත කිරීමේ උපකරණ සඳහා දුම්රිය රියදුරන් පද්ධතියට ප්රවේශ නොවීම හේතුවෙන් භාවිතයට ගෙන නොතිබුණි.
එමෙන්ම මෙම ව්යාපෘතිය යටතේ දුම්රිය ස්ථානවල , පාලක මධ්යස්ථානවල, සංඥා කුටිවල, දුම්රිය ගේට්ටුවල රුපියල් මිලියන 72ක් වටිනා ස්ථාවර දුරකථන හා උපකරණ සවිකොට තිබුණි. තාක්ෂණික දෝෂ හා මෙහෙයුම් දුර්වලතා හේතුවෙන් එකි උපකරණ සක්රියව භාවිතා කිරීම අවම තත්ත්වයේ පැවැතුණි.
මෙකි උපකරණ භාවිතා නොකිරිම සම්බන්දයෙන් අදාළ නිලධාරින් සමග සාකච්ඡාකර ඉදිරි ක්රියාමාර්ග ගැනීමට කමිටුවක් පත්කර ඇති බව මෙකී ව්යාපෘතියේ කළමණාකාරිත්වය විසින් විගණනයට සඳහන් කොට ඇත.
