ශ්රියානි විජේසිංහ –
මිරිස් කුඩු , හා කහ කුඩු වලට පාන්පිටි , ලුණු හා වර්ණක මිශ්රකර අලෙවි කරන මහා පරිමාණ වෙළදාමක් මේ වන විට දිවයින පුරා සිදුව බැවින් එම වෙළෙඳ ද්රව්ය මිලදී ගැනීමේදී වඩාත් කල්පනාකාරි වන්නැයි පාරිභෝගික ජනතාවගෙන් මහජන සෞඛ්ය පරික්ෂකවරු ඉල්ලා සිටිති.
වෙළෙඳුන් අධික ලාභයක් ලබා ගැනීමේ අරමුණින් මෙසේ ව්යාජව සකස් කරන ලද මිරිස් කුඩු සහ කහ කුඩු ජනතාවට අලෙවි කිරිමේ උපක්රමයක් ක්රියාත්මක කරන බවත් එය දිවයිනපුරා සිදුවන්නක් බවත් මේ වනවිට කරන ලද පරික්ෂා කිරිම් වලදි හෙලිවිනැයි කරන්දෙනිය මහජන සෞඛ්ය පරික්ෂක රෝෂන් තුෂාර පැවසුවේය.
මෙසේ මහජනතාවට ව්යාජව සකස් කළ මිරිස්කුඩු සහ කහ කුඩු අලෙවි කළ වෙළෙදුන් 30ට අධික සංඛ්යාවකට මේ වන විට නඩු පැවරූ බවත් ඉන් ඇතමෙකුට උසාවියෙන් දඩමුදලක් නියම කර අවවාද කර නිදහස් කල බවත් හෙතෙම පැවසීය.
කෙසේ නමුත් මෙහිදී වරදකරුවන්ට දඩමුදල ලෙස අයකරනුයේ රුපියල් 3000ක් පමණක් වන බැවින් බොහෝ වෙළෙඳුන් දඩමුදල ගෙවා නැවත නැවතත් එම වරදම සිදුකර බව මහජන සෞඛ්ය පරීක්ෂකවරයා පැවසුවේය.
මේ හේතුවෙන් මිරිස්කුඩු සහ කහකුඩු මිලදී ගැනීමේදී පාරිභෝගිකයින් කල්පනාකාරී වන්නැයිද මහජන සෞඛය පරික්ෂකරවරුන්ගේසංගම ය මහජනාතාගෙන් විශේෂ ඉලලීමක් කරයි
