මේ වනවිට අපිට මානව හිමිකම් නඩු පමණක් දෙසීයකට වැඩි සංඛ්යාවක් ශ්රේෂ්ඨාධිකරණයේ ගොඩ ගැසී ඇතැයි පාර්ලිමේන්තු මන්ත්රි දයාසිරි ජයසේකර පැවසුවේය.
මානව හිමිකම් කඩවීමක් සම්බන්ධ පැමිණිල්ලක් මාසයක් තුළ සිදුකළ යුතු බවත්, එම පැමිණිල්ල මාස දෙකක් තුළ අසා නිම කළ යුතු බවත් පෙන්වා දෙන දයාසිරි ජයසේකර මන්ත්රීවරයා මේ වනවිට ඉහළ අධිකරණවලට විනිසුරුවරුන් පත් කිරීම සම්බන්ධව ලබා දී ඇති ශ්රේෂ්ඨාධිකරණ තීන්දුවක් හේතුවෙන් මේ තත්ත්වය ඇති වී තිබෙන බවත් පෙන්වා දුන්නේය. අභියාචනාධිකරණයට විනිසුරුවරුන් දෙදෙනෙක් පත් කරගැනීමට නොහැකි වීම මානව හිමිකම් නඩු සම්බන්ධව ඇති වී තිබෙන තත්ත්වයට හේතු වී ඇතැයි මන්ත්රීවරයා කීවේය.
මින් පෙරත් මේ ව්යාකූල තත්ත්වය පිළිබඳ දීර්ඝ විස්තරයක් ඔස්සේ පාර්ලිමේන්තුවට කරුණු ඉදිරිපත් කර තිබුණු දයාසිරි ජයසේකර මන්ත්රීවරයා ශ්රේෂ්ඨාධිකරණ තීන්දුවකින් ව්යවස්ථාදායක සභාවේ මෙන්ම පාර්ලිමේන්තුවේ ප්රධානියාවන කතා නායකවරයාත්, රටේ විධායක ජනාධිපතිවරයාත් වාරණයකට පමුණුවා ආණ්ඩුක්රම ව්යවස්ථාවේ පරිච්ඡේදයක් ද බල රහිත කර ඇති ආකාරය පෙන්වා දුන්නේය.
දයාසිරි ජයසේකර මන්ත්රීවරයා අද ප්රකාශ කළේ අභියාචනාධිකරණ විනිසුරු නිශ්ශංක බන්දුල කරුණාරත්න ජනාධිපති නිර්දේශයට අනුව ශ්රේෂ්ඨාධිකරණයට උසස් කිරීම ව්යවස්ථා දායක සභාව විසින් අනුමත කිරීම දෙවරක්ම ප්රතික්ෂේප කළ පසු ආණ්ඩුක්රම ව්යවස්ථාවේ පරිච්ඡේද පිටින් බල රහිත කර තාක්ෂණිකව බරපතල අර්බුදයක් ඇති කළ තීන්දුවක් ලබා ගැනීමට අදාල නඩුව ගොනු කර ඇත්තේ අගතියට පත්වී යැයි සිතන නිශ්ශංක බන්දුල කරුණාරත්න විනිසුරුවරයා නොව, කුරුණෑගල දිස්ත්රික්කය නියෝජනය කරන එක්සත් ජාතික පක්ෂයේ තරුණයෙක් බවය.
“මේක ජනාධිපති තුමා විසින්ම දාගත්ත නඩුවක්. මේ ශ්රේෂ්ඨාධිකරණ තීන්දුව සම්බන්ධව ඔබතුමාගේ අදහස ප්රකාශ කරන්න. පාර්ලිමේන්තුවේ ප්රධානියා සහ ව්යවස්ථා දායක සභාවේ ප්රධානියා ලෙස ඔබ කිසියම් කාරණයකින් වළක්වා තිබෙනවා නම් ඇයි බැරි පාර්ලිමේන්තුවෙ ප්රකාශයක් කරලා ඔබතුමාට ඒ වැඩපිළිවෙළ ක්රියාත්මක කරන්න. මොකද ඔබතුමාට බලය තියනවා ” දයාසිරි ජයසේකර මන්ත්රීවරයා කථානායකවරයාගෙන් ඉල්ලා සිටියේය.
මන්ත්රීවරයාගේ ප්රශ්නය වරප්රසාද කමිටුවට යොමු කෙරිනි.
