මලයගම් දෙමළ ජනතාවගේ ජීවන තත්ත්වය වැඩි දියුණු කිරීම සඳහා විශේෂ බරක් තැබීමට රජය සිය අයවැය යෝජනාවලින් තීරණය කර තිබේ.
ජනාධිපතිවරයා මේ ප්රවේශය මෙසේ පැහැදිලි කළේය.
සැලකිය යුතු දුෂ්කරතා මැද දීර්ඝ කාලයක් ජීවත්වන මෙම ජනතාව ගෞරවනීය ජීවිතයක් ගතකරන්න අවශ්ය ප්රමිතීන්ට වඩා පහළින් ඉන්නේ.
ඒ නිසා පහත සඳහන් මුලපිරීම් දැනටමත් රුපියල් මිලියන 7583ක් අයවැයෙන් වෙන් කරලා තියනවා. වතු නිවාස සහ යටිතල පහසුකම් සංවර්ධනය සඳහා රුපියල් මිලියන 4267ක්, මලයගම් දෙමළ තරුණයින්ගේ වෘත්තීය පුහුණුව සඳහා අවශ්ය යටිතල පහසුකම් සංවර්ධනය කිරීමට රුපියල් මිලියන 2450ක්, මලගම් දෙමළ ප්රජාවගේ අධ්යාපනයට නවීන සුහුරු පන්ති කාමර සඳහා රුපියල් මිලියන 866ක් වෙන් කරලා තියනවා.
කාර්යක්ෂම පොදු ප්රවාහන සේවයක් සඳහා මෙට්රෝ නමින් නව බස් සමාගමක් පිහිටුවීමට රජය යෝජනා කරයි.
ඒ පිළිබඳව සිය අයවැය යොජනාව ජනාධිපතිවරයා මෙසේ ඉදිරිපත් කළේය.
“මගී ප්රවාහනය කාර්යක්ම කිරීම සහ වැඩිදියුණු කිරීමේ මූලික පියවරක් ලෙස නවීන සුවපසු බස් රථ සමූහයක් නියමු ව්යාපෘතියක් හඳුන්වා දෙනවා. කොළඹ නගරයේ ප්රධාන කොරිඩෝ හතරක් ඔස්සේ මගී ප්රවාහනය සඳහා සැප පහසු බස් රථ 100ක් යෙදවිමට අපේක්ෂා කරනවා.”
කොට්ටාව කොළඹ, මොරටුව කොළඹ වත්තල කොළඹ සහ කඩවත කොළඹ තමයි ඒ ප්රවේශ හතර.
ඒ සඳහා රුපියල් මිලියන 3000ක් වෙන් කරනව. ඊට අමතරව ශ්රී ලංකා ගමනා ගමනමණ්ඩලය විසින් මගී ප්රවාහනයට පහසු බස් රථ 200ක් තම අරමුදල් යොදා ගනිමින් සේවයේ යොදවනු ඇති.
මෙම බස් රථ මෙට්රෝ බස් රථ ලෙස හඳුන්වන අලුතින් ක්රියාත්මක කරන්න බලාපොරොත්තුවන සමාගමක් යටතේ ක්රියාත්මක කරනවා. පරණ තැනටම දාන්නේ නෑ
යෝජිත බස් සමාගම් සම්පූර්ණයෙන්ම ඩිජිටල්කරණය වූ ක්රමවේදයක් මත ක්රියාත්මක වනු ඇති.
මහපොළ සහ ශිෂ්යධාර දීමනා ඉහළට
මහපොල සහ ශිෂ්යාධාර දීමනා මෙවර අයවැයෙන් වැඩි කර තිබේ.
ඒ අනුව මහපොළ දීමනාව රුපියල් 5000 සිට 7500 දක්වාත් ශිෂ්යාධාර රුපියල් 4000 සිට 6000 දක්වා වැඩි කර තිබේ.
මෙම දීමනා 2025 අප්රේල් මාසයේ සිට ක්රියාත්මකය.
-
මන්ත්රීවරුන්ට වාහනත් නෑ… පර්මිට් එකත් නෑ…. රාජ්ය නිලධාරීන්ට වාහන වෙනුවට දීමනාවක්!.
මන්ත්රීවරුන්ගේ වාහන සඳහා මේ අයවැයෙන් ප්රතිපාදන වෙන් කර නොමැති බව මුදල් අමාත්ය ජනාධිපති අනුර කුමාර දිසානායක අයවැය කථාව ඉදිරිපත් කරමින් පවසයි. ඔහු කියන්නේ මන්ත්රීවරුන් සඳහා පර්මිට් ද නිකුත් නොකරන බවය. රජයේ නිලධාරීන්ට ද වාහනයක් වෙනුවට සැලකියයුතු වාහන දිමනාවක් ගෙවීමට රජය යෝජනා කර ඇත.
රජයේ නිලධාරීන්ට නිල වාහනය ලෙස පවරන ලද වාහන ඉහළ ඉන්ධන පරිභෝජනයක් සහිත සැලකිය යුතු වටිනාකමක් ඇති වාහන වෙනවා. මේ වාහනවලට අධික නඩත්තු පිරිවැයක් දැරීමට සිද්ධ වෙනවා.
සමහර වාහන අවුරුදු 7ක් 8ක් පැරණියි. අපිත් අවරුදු හයකින් විතර වාහන ගෙන්වා නෑ. අවුරුදු 8 -10 පැරණි වාහන තමයි රජයේ නිලධාරීන් භාවිතා කරන්නේ. විශාල නඩත්තු පිරිවැයක් දරනවා.
ඒ නිසා තෝරා ගත් නිලධාරින් සුදුසු මූල්ය ප්රතිපාදන ලබා දීම හරහා වාහන සඳහාවන අධික වියදම් අවම කිරීමට රජය තීරණය කර තිබෙනවා. යම් සැලකිය යුතු මුදලක් නිලධාරීන්ට ලබා දෙනවා. අපි වෘත්තීය සමිතිත් එක්ක කතා කරලා මුදල තීරණය කරන්නම්.
ඒ වගේම මන්ත්රීවරුන්ට පර්මිට් එක ලැබෙන්නෙත් නෑ. මේ අවුරුද්දේ වාහන ලැබෙන්නෙත් නෑ. මේ අයවැයෙන් ඒ සඳහා මුදල් වෙන් කරලා නෑ. ඒක දරාගන්න බෑ මේ ආර්ථිකයට.
-
රජයේ සියලුම සුඛෝපභෝගී වාහන මාර්තුවේ වෙන්දේසියේ…
අධික ධාවන සහ නඩත්තු වියදම් දැරීමට සිදුවන සියලුම සුඛෝපභෝගී වාහන මාර්තු මාසයේ දී වෙන්දේසි කරන බව ජනාධිපතිවරයා සිය අයවැය කථාවේ දී පැවසුවේය.
අලුත් වාහන සඳහා ගැසට් එක ගහනකම් තමයි හිටියේ. පහුගිය කාලේ ඇයි විකුණන්නේ නැත්තේ කියලා ඇහුවා. අලුත් වාහන ගෙන්වීම සඳහා ගැසට් එක ගැහුවාම වෙළෙඳපලේ මිලේ වෙනසක් ඇති වෙනවා. අන්න ඒ නිසායි පරක්කු කළේ. තේරුම් ගන්න. වැඩේ හරියට කරන්නේ එහෙමයි.
-
වේයන්ගොඩට අභ්යන්තර බහාලුම් පද්ධතියක්…
කොළඹ වරයා තුළ සහ අවට රථ වාහන තදබදය ලිහිල් කිරීමටත්, අගය එකතුකිරීමේන විදෙස් ඉපයීම් වැඩි කිරීම සඳහා දිගු කාලීන පියවරක් ලෙස දුම්රිය පාදක ඒකාබද්ධ බහු මාධ්ය භාණ්ඩ හා සැපයුම් මධ්යස්ථානයක් ලෙස වේයන්ගොඩ අභ්යන්තර බහාලුම් අංගනයක් ස්ථාපිත කිරීමට මෙවර අයවැයෙන් යෝජනා වී තිබේ.
ඒ සඳහා ආයතන යාන්ත්රණයන් හඳුනා ගැනීම, ඉඩම් අත්පත් කරගැනීම සහ අනෙකුත් මූලික සූදානම් වීමේ කටයුතු සඳහා සහාය වීමට රුපියල් මිලියන 500ක් වෙන් කිරීමට රජය යෝජනා කර ඇති බව ජනාධිපතිවරයා සිය අයවැය යෝජනා ඉදිරිපත් කරමින් දක්වයි.
