ලෝක වෙළෙඳ මධ්යස්ථානයේ සුඛෝපභෝගී කාර්යාලයක් පවත්වාගෙන ගිය තිකෝ ගෲප් ප්රයිවට් ලිමිටඩ් සමාගමේ හිමිකාරිය වූ තිළිණි ප්රියමාලි රුපියල් මිලියන 226ක්, ඇමරිකානු ඩොලර් හැටදහසක් සහ ඕස්ට්රේලියානු ඩොලර් ලක්ෂයක මුදලක් සාවද්ය ලෙස පරිහරණය කළැයි කියන සිද්ධියක් සම්බන්ධයෙන් කොළඹ කොටුව මහේස්ත්රාත් අධිකරණයට ඉදිරිපත් කිරීමෙන් පසු ඔක්තෝබර් 19 වැනිදා දක්වා රක්ෂිත බන්ධනාගාරගත කිරීමට නියෝග කර තිබේ.
සැකකාරිය අධිකරණයට ඉදිරිපත් කරමින් අපරාධ පරීක්ෂණ දෙපාර්තමේන්තුව චෝදනා කළේ සැකකාරිය තම කාර්යාලයට යාබද ව්යාපාරිකයන් කිහිප දෙනෙකු සමඟ මිතුරු වී ඇති බවත් පසුව ඉහළ ප්රතිලාභ ලබා දෙන බව පවසා ව්යාපාරිකයන්ගෙන් මුදල් ලබාගෙන ඇති බවත්ය.
මෙහිදී අපරාධ පරීක්ෂණ දෙපාර්තමේන්තුව වැඩිදුරටත් චෝදනා කර ඇත්තෙ සැකකාරියට මේ වන විට මෙවැනිම සිද්ධීන් සම්බන්ධයෙන් තවත් අධිකරණ නඩු අටක් පවතින බවය.
අගතියට පත් පාර්ශ්වයක් වෙනුවෙන් පෙනී සිටි ජනාධිපති නීතීඥ මෛත්රී ගුණරත්න අධිකරණයට දන්වා සිටියේ සැකකාරියගෙ ව්යාපාරයට මුදල් ආයෝජනය කිරීමට ප්රසිද්ධ දේශපාලනඥයෙකු ද මුදල් ලබා දී ඇති බවය.
ඒ අනුව කරුණු සැලකිල්ලට ගත් කොළඹ කොටුව මහේස්ත්රාත් තිළිණ ගමගේ සැකකාරිය ඔක්තෝබර් 19 වැනිදා දක්වා රක්ෂිත බන්ධනාගාරගත කිරීමට නියෝග කළේය
